މިއީ މުޅި މުސްލިމު އުންމަތް އެއްބައިވާންވީ ވަގުތު ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.
އަދާލަތު ޕާޓީގެ ރައީސް ސޯޝަލް މީޑިއާ ޕޯސްޓެއްގައި ވިދާޅުވީ ފަރުދީ ތަފާތުތަކާ މަސްލަޙަތުތައް އެއްފަރާތްކޮށްގެން މެނުވީ އުންމަތުގެ ކަރާމަތާއި ޝަރަފާއި އިއްޒަތް ވެސް ސަލާމަތްވާނެ ހަމަ އެއްގޮތެއް ވެސް ނެތް ކަމަށެވެ.
"ކޮންމެ މުސްލިމަކު އެ މީހެއްގެ ދައުރު ފުރިހަމައަށް އަދާކުރަން." އިމްރާން ވިދާޅުވި އެވެ.
މުުޅި އުންމަތް އެއްބައިވެ އެކަތިގަނޑަކަށްވާންވީ ވަގުތު މިއޮތީ ޖެހިފައެވެ.
ފަރުދީ ތަފާތު ތަކާ މަސްލަޙަތުތައް އެއްފަރާތް ކޮށްގެން މެނުވީ އުންމަތުގެ ކަރާމަތާއި،ޝަރަފާ،އިއްޒަތް ސަލާމަތްވާނެ ހަމަ އެއްގޮތެއްވެސް ނެތެވެ.
ކޮންމެ މުސްލިމަކު އެމީހެއްގެ ދައުރު ފުރިހަމައަށް އަދާކުރަންވީއެވެ— Imran Abdulla (@ShimranAb) October 10, 2023
ބެލެވޭ ގޮތުން އިމްރާންގެ މި ވާހަކަ އަކީ ފަލަސްތީނާއި އިޒްރޭލާ ދެމެދު މިހާރު ހޫނުވެފައިވާ މައްސަލަގަނޑާ ގުޅިގެން ފަލަސްތީނުގެ މުސްލިމު ރައްޔިތުންގެ ދިފާއުގައި އިސްލާމީ އުންމަތް އޮތުމަށް އިޝާރާތްކުރައްވައި ދެއްކެވި ވާހަކައެކެވެ.
މިދިޔަ ހޮނިހިރު ދުވަހު ހަމާސް ޖަމާއަތުން އަނިޔާވެރި ޔަހޫދީ އިޒްރޭލަށް ދިން ވަރުގަދަ ހަމަލާތަކަކާ ގުޅިގެން، ރައްދުގައި މިހާރު ވަނީ ފަލަސްތީނާ ދެކޮޅަށް ހަނގުރާމަ އިއުލާންކޮށް، ވަރުގަދަ ހަމަލާތަކެއް ދެމުންނެވެ. އެގޮތުން މިހާތަނަށް ފަލަސްތީނުގެ 700 އށް ވުރެ ގިނަ މީހުން ޝަހީދުކޮށްލާފައިވެ އެވެ.
މި ދަނޑިވަޅުގައި ފަލަސްތީނުގެ ރައްޔިތުންނަށް ބޭނުންވާ އެހީތެރިކަމާއި އެއްބާރުލުން ދިނުން މުހިއްމުކަން ފާހަގަކުރައްވައި އިމްރާން ކުރިން ވެސް ސޯޝަލް މީޑިއާގައި ޕޯސްޓްތަކެއް ކުރައްވާފައިވެ އެވެ.