ސުޕްރީމް ކޯޓުގެ ފަނޑިޔާރުން އާ ގައުމެއް ތުރުކުރައްވާ ގޮތަށް ހަމަޖައްސަވައިފި އެވެ.
އެ ކޯޓް 2008 ގައި އުފެދުމާ ހަމައަށް ސުޕްރީމް ކޯޓު އަދި ޝަރުއީ ދާއިރާ ރަމްޒުކޮށްދޭ ޚާއްސަ ގައުނެއް ބޭނުންކޮށްފައެއް ނުވެ އެވެ. ނަމަވެސް އޭގެ ފަހުން ރާއްޖޭގެ އެންމެ މަތީ ކޯޓް ކަމަށްވާ ސުޕްރީމް ކޯޓުގެ ތުރުކުރައްވަމުން ގެންދެވީ ރިހި ކުލައިގެ ރޭނދާ އަޅާފައިވާ ކަޅު ކުލައިގެ ގައުނެކެވެ. އަދި އުއްތަމަފަނޑިޔާރު ތުރުކުރައްވާ ގައުނުގައި އިންނަނީ ރަން ކުލައިގެ ރޭނދާ އެވެ.
އެ ކޯޓުން އަލަށް ތައާރަފުކުރި ގައުނު ފަރުމާކޮށްފައިވަނީ އިސްލާމީ ތާރީހާއި ރާއްޖޭގެ ސަގާފަތާއި ޝަރުއީ ދާއިރާގެ މިނިވަންކަން ރަމްޒުކޮށްދޭ ގޮތަށްކަމަށް ސުޕްރީމް ކޯޓުން ބުންޏެވެ.
The Chief Justice and Justices of the Supreme Court will be wearing the gown featured in this video during hearings and special occasions. This marks the inaugural use of uniquely designed gown to symbolize the culture and the history of the Maldives. pic.twitter.com/GfXAHRl2h9
— Supreme Court of the Maldives (@SCMaldives) October 10, 2023
މި ގައުންއާ ގުޅޭ ވީޑިއޯއެއް ވެސް ސޯޝަލް މީޑިއާގައި ސުޕްރީމް ކޯޓުން ހިއްސާކޮށްފައިވެ އެވެ. އާ މި ގައުންގެ ރޭނދާގެ ޑިޒައިން ފަރުމާކޮށްފައި ވަނީ މާލޭގެ ހުކުރު މިސްކިތުގައި ހުންނަ ހިރިގަލުގެ ފަރުމާ އަސްލަކަށް ބަލައިގެންނެވެ. އަދި ޝަރުއީ ދާއިރާގެ މިނިވަންކަން ރަމްޒުކޮށް ދިނުމަށް ތިލަފަތަކާއި ތިން ތަރިއެއް ހިމެނޭ ޑިޒައިނެއްވެސް އޭގައި އެކުލެވެ އެވ.
އެގޮތުން ދެން އުއްތަމަފަނޑިޔާރު ތުރުކުރެއްވުމަށް ހަމަޖެހިފައި ވަނީ ރަން ކުލައިގެ ދެ ފަށުގެ ރޭނދާއެއް ލާފައިވާ ގައުންއެކެވެ. އަދި އެހެން ފަނޑިޔާރުންގެ ގައުނުގައި ހުންނާނީ އެންމެ ރޭނދާއެކެވެ.
ކުރިއެކޭ އެއްގޮތަށް އާ ގައުން ޝަރީއަތުގެ މަޖިލީހާއި ޚާއްސަ މުނާސަބަތަކުގައި ވެސް ކޯޓްގެ ހުރިހާ ފަނޑިޔާރުނ ތުރުކުރައްވާނެ ކަމަށް ސުޕްރީމް ކޯޓުން ބުންޏެވެ.