ކްރައުން އެންޑް ޗަމްޕާ ރިސޯޓްސްގެ އާ ރިސޯޓް ޖަވަކަރަ އައިލޭންޑްސް މޯލްޑިވްސް މި މަހުގެ 22 ގައި ހުޅުވަން ނިންމައިފި އެވެ.
ޅ. އަތޮޅުގައި މުޅިން ތަފާތު ކޮންސެޕްޓަކަށް ތަރައްގީކޮށްފައިވާ މި ލަގްޒަރީ ރިސޯޓަކީ 290 ވިލާގެ ފަސްތަރީގެ ރިސޯޓެކެވެ. ޖަވަކަރައިގެ ހާއްސަ ކަމަކަށް ވާނި ވަކިވަކިން އޮތް ދެ ރަށެއް 700 މީޓަރުގެ ބްރިޖަކުން ގުޅާލައި، ގެސްޓުންނަށް މުޅިން ތަފާތު ތަޖުރިބާތަކެއް ވެސް ކުރެވޭ ގޮތަށް ރިސޯޓްގެ ކޮންސެޕްޓް އޮތުމެވެ.
ޗަމްޕާ ރިސޯޓްސް އިން ބުނި ގޮތުގައި ޖަވަކަރަ އެ ކުންފުނީގެ ޕްރޮޕަޓީގެ ތެރެއަށް އިތުރުވާ ވަރަށް ފުރިހަމަ، ހިތްގައިމު އަދި މަތީ ފެންވަރުގެ އެތައް ހިދުމަތްތަކެއް ޓޫރިސްޓުންނަށް ދެވޭނެ ރިސޯޓަކަށެވެ.
މި ރިސޯޓް ހުޅުވުމުގެ އެންމެ ފަހުގެ ތައްޔާރީތައް މިހާރު ވަމުން އަންނަ ޕްރީ-ބުކިންސް އަށް ވެސް ހުޅުވާލައިފަ އެވެ. އެގޮތުން ހާއްސަ ރޭޓްތަކެއްގައި އެތަނުގައި ޗުއްޓީ ހަދާލުމުގެ ފުރުސަތު ލިބިގެން ދާނެ އެވެ.