އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި ވާދަކުރައްވަން ވިސްނަވާ ކަމަށް ކުރީގެ ޕްރޮސެކިއުޓަ ޖެނެރަލް އަހުމަދު މުއިއްޒު ވިދާޅުވެއްޖެ އެވެ.
އޭނަ މިކަން ސޯޝަލް މީޑިއާގައި ހިއްސާކުރައްވަިއ ވިދާޅުވީ ވިސްނުން ހުންނެވީ މާލޭގެ ދާއިރާއަކަށް ވާދަކުރައްވަން ކަމަށް ވިދާޅުވި އެވެ. އެކަމަކު އެއީ ކޮން ދާއިރާއަކަށް ކަމެއް ވިދާޅެއް ނުވެ އެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި މާލޭގެ ދާއިރާއެއްގެ މެންބަރުކަމަށް ކުރިމަތިލުމުގެ ވިސްނުން އެބަ ގެންގުޅެން.
— Ahmed Muizzu (@AhmedMuizzu) October 17, 2023
މުއިއްޒު ޕީޖީގެ މަގާމު އަދާކުރެއްވީ ކުރީގެ ރައީސް މުޙައްމަދު ނަޝީދުގެ ދައުރުގަ އެވެ.
އަންނަ އަހަރު ބާއްވާ މަޖިލީހުގެ 20 ވަނަ ދައުރުގެ އިންތިހާބު އޮންނާނީ އަންނަ މާޗުގެ ފަހުކޮޅު ނުވަތަ އޭޕްރީލްގެ ކުރީކޮޅު އެވެ. މި އިންތިހާބުގައި މަޖިލީހަށް 93 މެންބަރަކު އިންތިހާބު ކުރާނެ އެވެ.