ފަލަސްތީނަށް އެހީވާން "މޯލްޑިވިއަން މަދާސް ވިތު ޕަލަސްތީން" ގެ ނަމުގައި މަމްސް އެއިޑުން އިވެންޓެއް ބޭއްވުމަށް ނިންމައިފި އެވެ.
މި އިވެންޓް ބާއްވަން ހަމަޖެހިފައި ވަނީ ހުޅުމާލޭ މައި ބަސް ސްޓޮޕް ކުރިމަތީ އޮންނަ ރުއްގަނޑު އެކެއް ސަރަހައްދުގައި މާދަމާ މެންދުރު ފަހު 2:00 އިން ފެށިގެން އިރު އޮއްސި 6:00 އާ ހަމައަށެވެ. މަމްސް އިން ބުނީ މި އިވެންޓްގައި އަންނައުނާއި ކުޅޭ ތަކެއްޗާއި ވާހަކަ ފޮތާއި ކުލަ ޖައްސާ ސާމާނާއި ޝޯޓް އީޓްސް ޕެކެޓްތަކާއި ބުއިންތަކާއި ކުކީޒް އާއި ކަޕްކޭކާއި ދިދައިގެ އިތުރުން ޕޮޕްކޯން ވެސް ހަދިޔާ ކުރެވޭނެ ކަމަށެވެ.
Palestine ge lobuvethi raiyyithunnah eheetherivumah, Moms Aid in isnagaigen fundraise event eh beyhvumah mi vanee hama jehifa eve. Mi fundraise ah thakethi hadhiyaa kurumaai, alhugandumennaai baiverivelehvumah 7349393 / 7849393 / 7860003 @IACMaldives @hdcmaldives pic.twitter.com/5fAMMsYc1o
— Moms Aid (@Moms_Aid) October 19, 2023
އެގޮތުން ތަކެތި ހަދިޔާ ކުރުމަށާއި އެ ހަރަކާތުގައި ބައިވެރިވުމަށް 7349393، 7849393 ނުވަތަ 7860003 އަށް ގުޅުމަށް އެ މަމްސް އިން އެއިޑުން އެދިފައިވެ އެވެ. ވަނީ އެދިފައެވެ.
އެ ޖަމިއްޔާއިން ބުނި ގޮތުގައި މި އިވެންޓުން ލިބޭ ހުރިހާ ތަކެއްޗަކާއި ފައިސާއެއް ހަދިޔާކުރާނީ އިންޓަނޭޝަނަލް އެއިޑް ކެމްޕޭން (އައިއޭސީ) މޯލްޑިވްސް މެދުވެރިކޮށް ފަލަސްތީނު އިމަޖެންސީ ރިލީފް ފަންޑަށް ކަމަށެވެ.
ފަލަސްތީނަށް އެހީވާން ރާއްޖޭގެ އެކި ހިސާބުތަކުގައި ތަފާތު އެކި ހަރަކާތްތައް އަންނަނީ ހިންގަމުންނެވެ. އެގޮތުން އައިއޭސީންނާއި މޯލްޑިވްސް ރެޑް ކްރެސެންޑުން ފަންޑް ހުޅުވާފައިވެ އެވެ.