މާފަންނު ޕޮލިސް ސްޓޭޝަނަށް ގެއްލުންދިން ދެ މީހަކު ބަންދުގައި ބައިތިއްބަން ކްރިމިނަލް ކޯޓުން އަމުރުކޮށްފިއެވެ.
ކުށެއްގެ ތުހުމަތުގައި މާފަންނު ޕޮލިސް ސްޓޭޝަނަށް ގެނެވިފައި ތިބި ދެ މީހަކު އެ ޕޮލިސް ސްޓޭޝަނަށް ގެއްލުންދިން މައްސަލައިގައި ކޯޓުން އިއްޔެ ވަނީ ދެ މީހުންގެ ބަންދަށްވެސް 3 ދުވަސް ދީފައެވެ. މި މައްސަލައިގައި ބަންދު ކޮށްފައިވަނީ 22 އަހަރުގެ މީހަކާއި 45 އަހަރުގެ މީހެކެވެ.
ކޯޓުގައި ފުލުހުން ބުނެފައިވަނީ އެ ދެމީހުން ޕޮލިސް ސްޓޭޝަނަށް ގެނެވިފައި ވަނިކޮށް ސްޓޭޝަންގައި ހުރި ޕާޓިޝަނެއްގައި ފައިންޖަހާ ގާތްގަނޑަކަށް 1 ފޫޓޫ ހައިތަން ފަޅާލާފައި މުދަލަށް ގެއްލުންދީފައިވާ ކަމަށެވެ.
މި ދެމީހުންނަކީވެސް ފުލުހުންގެ ހައްޔަރު އަދި ބަންދު ރެކޯޑް އޮންނަ ދެމީހުންނެވެ.