އިޒްރޭލުން ޣައްޒާއަށް ދެމުންގެންދާ ހަމަލާތަކާ ގުޅިގެން އިންސާނީ އެހީތެރިކަން ފޯރުކޮށްދިނުމަށް ދިޔަ އުޅަނދުތައް މިސްރު މަގުން ޣައްޒާއަށް ވައްދަން ފަށައިފިއެވެ.
އިންސާނީ އެހީގެ އުޅަނދުތަކުގެ ގޮތުގައި 20 އުޅަނދެއް މިއަދު މިސްރު ބޯޑަރު ހުރަސްކޮށް ޣައްޒާއަށް ވަދެފައިވެއެވެ.
އިޒްރޭރުން ފަލަސްތީނުގެ ޣައްޒާއަށް ދޭންފެށި ހަމަލާތަކަށްފަހު ޣައްޒާއިން ފެނާއި ކަރަންޓު ވަނީ ކަނޑާލާފައެވެ. އެކަމުގެ ސަބަބުން ހަނގުރާމަ މެދުކަނޑާލާ އިންސާނީ އެހީތެރިކަން ފޯރުކޮށްދިނުމަށް ބައިނަލްއަޤްވާމީ އިދާރާތަކާއި އިސްލާމީ ޤައުމުތަކުން އަންނަނީ ގޮވާލަމުންނެވެ.
Watch the moment the first Red Crescent trucks carrying humanitarian aid enter the besieged Gaza Strip from Egypt through the Rafah crossing.
Al Jazeera’s @baysontheroad says it's understood the 20 trucks only have medicine and food, not water or fuel ⤵️ pic.twitter.com/m5D63QSxq3
— Al Jazeera English (@AJEnglish) October 21, 2023
އިޒްރޭލުން ޣައްޒާއަށް ދެމުންގެންދާ ހަމަލާތަކުގައި މިހާތަނަށް 4200 އަށްވުރެއް ގިނަ މީހުން ޝަހީދު ކޮށްލާފައިވެއެވެ. އޭގެތެރެއިން 70 އިންސައްތަ މީހުންނަކީ ކުޑަކުދިންނާއި އަންހެނުންނެވެ.
މި ހަނގުރާމަ ސުލްހަ ކުރުމަށްޓަކައި މިސްރުގައި މިއަދު 'ކައިރޯ ޕީސް ސަމިޓް' ބޭއްވުމަށްވެސް ވަނީ ހަމަޖެހިފައެވެ.