ޕީޕީއެމްގެ ނަމުހައި ސްކޭމް މެސެޖުތަކެއް ފޮނުވަމުންދާތީ އެކަމަށް ސަމާލުވުމަށް ގޮވާލައިފިއެވެ.
ސްކޭމް މެސެޖުތައް ފޮނުވުން އިތުރުވެފައިވާއިރު ޕީޕީއެމްގެ ނަމުގައި ޑީއެޗްއެލްގެ ލިންކަކާއެކު އަންނަނީ ސްކޭމް މެސެޖުތަކެއް ފޮނުވަމުންނެވެ.
އެކަމާ ގުޅިގެން ޕީޕީއެމްއިން ބުނެފައިވަނީ އެ ޕާޓީގެ ނަމުގައި ޑީއެޗްއެލްގެ ލިންކާއެކު ފޮނުވަމުންދާ މެސެޖްތަކަކީ ސްޕޭމް މެސެޖްތަކެއް ކަމަށެވެ. އަދި އެ މެސެޖްގައިވާ ލިންކަށް ނުވެންނެވުން އެެެދިފައިވެއެވެ.
މީގެއިތުރުން ފުލުހުންވެސް ކުރި ޓްވީޓެއްގައި ބުނެފައިވަނީ ކަސްޓަމްސް ފީ ދެއްކުމަށްކަމަށް ބުނެ އެކި ނަންބަރުތަކުން މެސެޖްތައް ފޮނުވުން ގިނަވެފައިވާކަން ފާހަގަ ކުރެވޭ ކަމަށެވެ. އެހެންކަމުން މިފަދަ މެސެޖްތަކަށް ސަމާލުވެ، މެސެޖްތަކުގައިވާ ލިންކަށް ނުވަނުމަށް ފުލުހުންވެސް ވަނީ އެދިފައެވެ.
🚨⚠️ސްކޭމް އެލަރޓް:
އަނެއްކާވެސް ކަސްޓަމްސް ފީ ދެއްކުމަށްކަމަށް ބުނެ އެކި ނަންބަރުތަކުން މެސެޖްތައް ފޮނުވުން ގިނަވެފައިވާކަން ވަނީ ފާހަގަކުރެވިފައި. މިފަދަ މެސެޖްތަކަށް ސަމާލުވެ، މެސެޖްތަކުގައިވާ ލިންކަށް ނުވަންނަވާ! pic.twitter.com/pHKWDjStMv— Maldives Police (@PoliceMv) October 28, 2023