މިއަހަރު ރާއްޖެ ޒިޔާރާތް ކުރި ފަތުރުވެރިންގެ އަދަދު 1.5 މިލިއަނަށް އަރައިފިއެވެ.
ޓޫރިޒަމް މިނިސްޓްރީން ބުނެފައިވަނީ މިއަދު ރާއްޖެ އައި ފަތުރުވެރިންނާއެކު، މިއަހަރު މިހާތަނަށް ރާއްޖެ ޒިޔާރާތްކުރި ފަތުރުވެރިންގެ އަދަދު 1.5 މިލިއަނަށް އަރާފައިވާ ކަމަށެވެ. އެގޮތުން މިހާތަނަށް ޖުމުލަ 1،505،366 ފަތުރުވެރިން ވަނީ ރާއްޖެއަށް ޒިޔާރާތް ކޮށްފައެވެ.
Congratulations #Maldives. As of 28th Oct Maldives has welcomed 1.5 Million plus tourists for the Year 2023. @MoTmv appreciates the contributions from all the industry stakeholders, especially the investors & employees. Congratulations & Thanks. pic.twitter.com/4ykUqPnG2S
— Ministry of Tourism (@MoTmv) October 29, 2023
މިއަހަރު މިހާތަނަށް އެންމެ ގިނަ ފަތުރުވެރިން ރާއްޖެއަށް ޒިޔާރާތް ކޮށްފައިވަނީ ރަޝިޔާއިންނެވެ. އެގޮތުން 172،472 ފަތުރުވެރިން ރަޝިޔާއިން ރާއްޖެއަށް ޒިޔާރާތް ކޮށްފައިވެއެވެ. ދެވަނަ އަށް އެންމެ ގިނަ ފަތުރުވެރިން ޒިޔާރާތްކުރި އިންޑިއާއިން އައިސްފައިވަނީ 163،513 ފަތުރުވެރިންނެވެ. ތިން ވަނައަށް އެންމެ ގިނަ ފަތުރުވެރިން ޒިޔާރާތްކުރި ޗައިނާއިން އައިސްފައިވަނި 163،036 ފަތުރުވެރިންނެވެ.
ޓޫރިޒަމް މިނިސްޓްރީގެ ތަފާސްހިސާބު ދައްކާގޮތުން ރާއްޖޭގައި މިވަގުތު އޮޕަރޭޝަންގައި ހުރީ 62814 އެނދެވެ.