ރޯޑް ޑިވެލޮޕްމަންޓް ކޯޕަރޭޝަން (އާރްޑިސީ) ގެ މެނޭޖިން ޑިރެކްޓަރު މޫސާ އަލީ މަނިކު (މޫކޭ) އަށް ހަމަލާދީ މަރުގެ އިންޒާރުދިން މައްސަލަ ތަހުގީގު ކުރަމުންދާކަމަށް ފުލުހުން ބުނެފިއެވެ.
ފުލުހުން ބުނެފައިވަނީ މޫކޭއަށް ހަމަލާދީ މާރާމާރީ ހިންގާ މަރުގެ އިންޒާރުދިން މައްސަލައެއް ރޭގެ ވަގުތެއްގައި ފުލުހުންނަށް ހުށަހަޅާފައިވާ ކަމަށެވެ.
މޫކޭއަށް ހަމަލާދީ މަރުގެ އިންޒާރުދިން މައްސަލަ މިހާރު ތަހުގީގު ކުރަމުން ގެންދާ ކަމަށްވެސް ފުލުހުން މައުލޫމާތުދީފައިވެއެވެ.
ހަމަލާދީ މަރުގެ އިންޒާރުދިންކަން މޫކޭ ހާމަކޮށްފައިވަނީ ކުރި ޓްވީޓެއްގައެވެ. އެގޮތުން މީހެއްގެ ފޮޓޯއާއެކު ކުރި ޓްވީޓްގައި މޫކޭ ބުނެފައިވަނީ ދަރިފުޅާއި އެކު ސައިކަލުގައި ދަނިކޮށް ހަޑިހުތުރުބަހުން ވާހަކަ ދައްކާ ހަމަލާދީ މަރުގެ އިންޒާރު ދީފައިވާ ކަމަށެވެ.
މީނާ ވަނީ މިއަދު ހަވީރު އަޅުގަނޑު ދަރިފުޅާއި އެކު ސައިކަލުގައި ދަނިކޮށް އަޅުގަނޑާއި ދަރިފުޅަށް އަވަގުރާނަ ގޮވާ ގަޔަށް އަތްލާ މާރާމާރީ ހިންގާފަ. އަދި ދަރިފުޅާއި އަޅުގަނޑު މަރާލާނެ ކަމަށްބުނެ އިންޒާރުވެސް ދީފަ. މި މައްސަލަ މިހާރު ވާނީ @PoliceMv އަށް ހުށައަޅާފަ. pic.twitter.com/VdJ5si9KBN
— Moosa Ali Manik 🇲🇻 (@VMookey) October 30, 2023