ހުށަހަޅާފައިވާ އިތުބާރު ނެތްކަމުގެ މައްސަލައަށް ނުފިއްލަވާ ވޯޓާ ކުރިމަތި ލެއްވުމަށް އެމްޑީޕީގެ ޗެއާޕާސަން ފައްޔާޒް އިސްމާއިލް، ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ގޮވާލައްވައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އިތުބާރު ނެތްކަމުގެ މައްސަލަ އެޖެންޑާކުރިނަމަވެސް އެ މައްސަލައިގައި ހުށަހަޅާފައިވާ ގަރާރު މަޖިލިސް ގަވައިދާ ހިލާފު ކަމަށް ބުނެ ވަނީ މަޖިލީހުން ބޭރުކޮށް ޖަލްސާ ކުރިއަށް ނުގެންގޮސް ނިންމާލާފައެވެ.
އެކަމާ ގުޅިގެން ކުރެއްވި އެކްސް ގައި ކުރެއްވި ޕޯސްޓެއްގައި ފައްޔާޒް ވިދާޅުވީ މިއަދުގެ ޖަލްސާގެ ރިޔާސަތުގައި އިންނެވި މެންބަރު ހަސަން އަފީފް އަމަލުކުރައްވާފައިވަނީ، މިދިޔަ މަޖިލީހުގެ ރައީސް އަބްދުﷲ މަސީހް އަމަލުކުރެއްވި ގޮތަށްވުރެއްވެސް ދަށުދަރަޖައިގައި ކަމަށެވެ.
ފައްޔާޒް ވިދާޅުވީ މިއީ ރާއްޖޭގެ ޑިމޮކްރަސީއަށް ކަޅު އަނދިރި ދުވަހެއް ކަމަށެވެ. އަދި ފައްޔާޒް ވަނީ ރައީސް ނަޝީދަށް އިތުބާރު ނެތްކަމުގެ މައްސަލައަށް ނުފިއްލަވާ ވޯޓާ ކުރިމަތި ލެއްވުމަށް ގޮވާލައްވާފައެވެ.
The atrocities of former speaker of Parliament Hon. Maseeh has paled into insignificance with todays shameful, cowardly act by Hon. Hassan Afeef to avoid the no confidence motion. A dark and shameful day for parliamentary democracy in Maldives. Face the vote @MohamedNasheed
— Fayyaz Ismail (@faya_i) November 12, 2023
ރައީސް ނަަޝީދުގެ އިތުބާރު ނެތްކަމުގެ މައްސަލަ ކުރިއަށް ގެންދިއުމަށް މިއަދު ދެ ޖަލްސާއެއް ބާއްވާފައިވެއެވެ.
އެހެންނަމަވެސް ޖަލްސާގެ ރިޔާސަތު ބެލެހެއްޓެވި ބޭބޭފުޅުން އެ ޖަލްސާތައް ކުރިއަށް ގެންގޮސްފައެއް ނުވެއެވެ.