މާލޭގައި ގިނަ އަދަދެއްގެ ބިދޭސީ މުސްލިމުން ދިރިއުޅޭތީ އެ ސިޓީގެ މިސްކިތެއްގައި ހުކުރު ދުވަހު އިނގިރޭސި ބަހުން ހުކުރު ހުތުބާ ކިޔުމާ މެދު އާންމުންގެ ހިޔާލަށް ހުޅުވާލައިފި އެވެ.
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސޯޝަލް މީޑިއާ ޕޯސްޓެއްގައި މިއަދު ވިދާޅުވީ ރާއްޖެ އަކީ ވަރަށް ގިނަ ބިދޭސީ މަސައްކަތްތެރިން މަސައްކަތްކުރާ ޤައުމަކަށްވެފައި މާލެ ސަރަހައްދުގައި ގިނަ އަދަދަކަށް މުސްލިމު މަސައްކަތްތެރިން އުޅެމުން އަންނަ ކަމަށެވެ. އެހެވެން ކަމުން މާލޭގެ ކޮންމެވެސް އެއް މިސްކިތެއްގައި އިނގިރޭސިން ޚުތުބާ ކިޔުމާ މެދު ރައްޔިތުންގެ ޚިޔާލު ބަލައިލަން ބޭނުންވާ ކަމަށް ވިދާޅުވި އެވެ.
މިނިސްޓަރު ވިދާޅުވި ގޮތުގައި މީގެ މިފަދަ ހިޔާލެއް ހޯދުމަށް ހުޅުވާލާފައި މިވަނީ މަސައްކަތްތެރިންގެ ސްލޫކާއި އަހުލާގު އަދި ދީންވެރިކަން އިތުރުވުމުގައި އެ މީހުން ދަންނަ ބަހަކުން އިއްވޭ ޚުތުބާގެ ދައުރު މުހިންމުކަމަށް ފެންނާތީ އެވެ.