މާލޭ އަމީނީ މަގު ތަރައްގީ ކުރުމުގެ މަސައްކަތުގެ ތެރެއިން އެ މަގުގައި ނުނިމި އޮތް ބައިގެ މަސައްކަތް ފަށައިފިއެވެ.
އާރްޑީސީން ބުނެފައިވަނީ އަމީނީމަގުގެ ނުނިމިވާ ސެގްމެންޓް 12 އަދި 13 ހެދުމުގެ މަސައްކަތް މިއަދު ފަށާފައިވާ ކަމަށެވެ.
އަމީނީމަގުގެ ނުނިމިވާ ސެގްމެންޓް 12 އަދި 13 ހެދުމުގެ މަސައްކަތް މިއަދުވަނީ ފެށިފައި.#TeamRDC pic.twitter.com/1DyhQIHRDV
— Road Development Corporation Ltd (@rdcmaldives) December 9, 2023
ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަމުގައި އަމީނީ މަގުގެ މަސައްކަތުގެ ބޮޑުބައެއް އޮތީ ނިންމާފައެވެ. އެގޮތުން ހައުސިން މިނިސްޓްރީއާ ހަމައަށް މަގުގެ މަސައްކަތް ވަނީ ނިންމާފައެވެ.
އަމީނީ މަގުގެ ނުނިމި އޮތް ބައިގެ މަސައްކަތް ފަށާފަައިވާއިރު، އެ މަގުގައި އެއްކޮށް ތާރުއަޅާ ޒަމާނީ ފެން ހިންދާ ނިޒާމެއް ގާއިމުކޮށް އަލުން މަގު ބައްތިތައް ވެސް ދަނީ ހަރުކުރަމުންނެވެ.