އިނގިރޭސި ޕްރިމިއާ ލީގުގައި ރޭ ލޫޓަން ޓައުން އާއި ބޯންމަތް ބައްދަލުކުރި މެޗުގެ ދެވަނަ ހާފުގައި ލޫޓަންގެ ކެޕްޓަން ޓޮމް ލޮކްޔާ ހޭނެތިގެން ދަނޑު މައްޗަށް ވެއްޓުމާ ގުޅިގެން މެޗު ހުއްޓާލައިފި އެވެ.
ޓޮމް ،29، ހޭނެތިގެން ދަނޑު މައްޗަށް ވެއްޓުނީ މެޗުގެ 65 ވަނަ މިނެޓްގަ އެވެ. އޭރު ދެ ޓީމު ވެސް އޮތީ 1-1 އިން އެއްވަރުވެފަ އެވެ.
ހޭނެތިގެން ޓޮމް ދަނޑު މައްޗަށް ވެއްޓުމާއެކު މެޑިކަލް ޓީމުން ވަނީ ދަނޑުމަތީގައި އޭނާ އަށް ފަރުވާ ދިނުމަށްފަހު ހޮސްޕިޓަލަށް ގެންގޮސްފަ އެވެ.
ލޫޓަން އިން ނެރުނު ބަޔާނެއްގައި ބުނީ ދަނޑުމަތީގައި ފަރުވާ ދެމުންދިޔައިރު ޓޮމް ހޭ އަރާފައިވާ ކަމަށާއި އޭނާގެ ހާލު މިހާރު ރަނގަޅު ކަމަށެވެ. އަދި އިތުރު ޓެސްޓުތަކެއް ހެދުމުގެ މަސައްކަތް ކުރިއަށްދާ ކަމަށްވެސް ލޫޓަން އިން ބުނެފައިވެ އެވެ.
Our medical staff have confirmed that the Hatters captain suffered cardiac arrest on the pitch, but was responsive by the time he was taken off on the stretcher.
He received further treatment inside the stadium, for which we once again thank the medical teams from both sides.… pic.twitter.com/YCTiHtH5Nx
— Luton Town FC (@LutonTown) December 16, 2023
މިދިޔަ މޭ މަހު ކުޅުނު އިނގިރޭސި ޗެމްޕިއަންޝިޕް ޕްލޭއޮފް ފައިނަލުގައި ލޫޓަން އިން ޕެނަލްޓީ ޖަހައިގެން 6-5 އިން ކޮވެންޓްރީ ސިޓީގެ މައްޗަށް ކުރި ހޯދި މެޗުގައި ވެސް ޓޮމް ވަނީ ހޭނެތިގެން ދަނޑުމައްޗަށް ވެއްޓިފަ އެވެ. އޭގެފަހުން އޭނާ ހިތުގެ ސާޖަރީއެއް ވެސް ހަދާފައިވާއިރު އަލުން ކުޅުމުގެ ތެރެއަށް އެނބުރި އައުމަށް ހުއްދަ ދިނީ މިދިޔަ ޖޫން މަހުގެ ތެރޭގަ އެވެ.
ޓޮމް ހޭނެތިގެން ދަނޑުމައްޗަށް ވެއްޓުމުން ހުއްޓާލި މެޗު ފަހުގެ ތާރީހެއްގައި އަލުން ކުޅޭނެ އެވެ.