ބްރެޒިލްގެ ފްލުމިނެންސޭ 4-0 އިން ބަލިކޮށް މެންޗެސްޓާ ސިޓީން ފީފާ ކްލަބް ވޯލްޑް ކަޕް ފުރަތަމަ ފަހަރަށް ކާމިޔާބުކޮށްފި އެވެ.
މި ތައްޓާ އެކު ސިޓީ ވެގެން ގޮސްފައިވަނީ އެއް އަހަރެއްގެ ތެރޭގައި ފަސް ތަށި ކާމިޔާބު ކުރި ފުރަތަމަ އިނގިރޭސި ޓީމަށެވެ. ކްލަބް ވޯލްޑް ކަޕްގެ އިތުރުން ސިޓީން ވަނީ މިއަހަރުތެރޭ އިނގިރޭސި ޕްރިމިއާ ލީގާއި، އިނގިރޭސި އެފްއޭ ކަޕާއި، ޗެމްޕިއަންސް ލީގު އަދި ޔޫއެފާ ސުޕާ ކަޕް ކާމިޔާބުކޮށްފަ އެވެ.
ސައުދީގެ ކިންގް އަބްދުﷲ ސްޕޯޓްސް ސިޓީ ސްޓޭޑިއަމްގައި ރޭ ކުޅުނު މި މެޗުގެ 40 ވަނަ ސިކުންތުގެ ތެރޭގައި ޖޫލިއަން އަލްވަރޭޒް ވަނީ ސިޓީ އަށް ލީޑު ނަގާދީފަ އެވެ. މިއީ ކްލަބު ވޯލްޑް ކަޕްގެ ފައިނަލެއްގައި ފެނިގެންދިޔަ އެންމެ އަވަސް ގޯލެވެ. ފުރަތަމަ ހާފު ނިމުމުގެ ކުރިން ސިޓީން ދެވަނަ ގޯލު ކާމިޔާބު ކުރިއިރު މި ގޯލަކީ ފްލުމިނެންސޭގެ ކުޅުންތެރިއެއްގެ އަތުން ބައިކޮޅަށް ވަތް ގޯލެކެވެ.
ސިޓީގެ ތިންވަނަ ގޯލު މެޗުގެ 72 ވަނަ މިނެޓްގައި ފިލް ފޮޑެން ކާމިޔާބު ކުރިއިރު އެޓީމުގެ ފަހު ގޯލު މެޗުގެ 88 ވަނަ މިނެޓްގައި ކާމިޔާބުކޮށް ދިނީ ފުރަތަމަ ގޯލު ވެސް ކާމިޔާބުކޮށް ދިން އަލްވަރޭޒް އެވެ.
ކްލަބް ވޯލްޑް ކަޕް މިހާތަނަށް އިނގިރޭސި ހަތަރު ކްލަބަކުން ވަނީ ކާމިޔާބުކޮށްފަ އެވެ. އެއީ މެންޗެސްޓާ ޔުނައިޓެޑާއި ލިވަޕޫލް އަދި ޗެލްސީ އެވެ. މި މުބާރާތުގެ އެންމެ ކާމިޔާބު ޓީމަކީ ރެއާލް މެޑްރިޑެވެ. އެ ކްލަބުން ވަނީ މުބާރާތް ފަސް ފަހަރު ކާމިޔާބުކޮށްފަ އެވެ.
ސިޓީ އަކީ ކްލަބް ވޯލްޑް ކަޕް ކާމިޔާބު ކުރި ހަތަރުވަނަ އިނގިރޭސި ޓީމެވެ. މި މުބާރާތް ކާމިޔާބުކުރި އަނެއް ހަތަރު އިނގިރޭސި ޓީމަކީ މެންޗެސްޓާ ޔުނައިޓެޑާއި ލިވަޕޫލް އަދި ޗެލްސީ އެވެ. މި މުބާރާތުގެ އެންމެ ކާމިޔާބު ޓީމަކީ ރެއާލް މެޑްރިޑެވެ. އެ ކްލަބުން ވަނީ މުބާރާތް ފަސް ފަހަރު ކާމިޔާބުކޮށްފަ އެވެ.