ރާއްޖޭގައި ޑިވޮލޮޕްމަންޓް ބޭންކެއް އުފެއްދުމާމެދު މިއަދުގެ ކެބިނެޓް ބައްދަލުވުމުގައި މަޝްވަރާ ކުރައްވާނެކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ކެބިނެޓް ބައްދަލުވުމަށް ވަދެވަޑައިގަންނަވަމުން ރައީސް މުއިއްޒު ވިދާޅުވީ މިއަދުގެ ކެބިނެޓް ބައްދަލުވުމުގައި ވަރަށް މުހިންމު ކަންތައްތަކެއް އެޖެންޑާ ކުރެވިފައިހުރި ކަމަށެވެ.
އެގޮތުން ރާއްޖޭގައި ޑިވޮލޮޕްމަންޓް ބޭންކެއް އުފެއްދުމާމެދު މަޝްވަރާކުރައްވާނެ ކަމަށާއި، އޮންލައިން ޕޭމަންޓް ޕްލެޓްފޯމްތައް ބޭނުންކުރުމުގައި ހުރި ހުރަސްތައް ނައްތާލުމާ ގުޅޭގޮތުންވެސް މަޝްވަރާ ކުރައްވާނެ ކަމަށް ވިދާޅުވިއެވެ. މީގެއިތުރުން ރައީސް މުއިއްޒު ވިދާޅުވީ މިއަދުގެ ކެބިނެޓް ބައްދަލުވުމުގައި ފަތުރުވެރިކަމުގެ ދާއިރާއާ ގުޅޭގޮތުންނާއި، ސޯޝަލްހައުސިންއަށް ކެޓަގަރީއެއް ތައާރަފް ކުރުމާ ގުޅޭގޮތުން ވެސް މަޝްވަރާ ކުރައްވާނެ ކަމަށެވެ.
ރާއްޖޭގައި ޑިވޮލޮޕްމަންޓް ބޭންކެއް އުފެއްދުމާމެދު، ވަޒީރުންގެ މަޖިލީހުގައި މިއަދު މަޝްވަރާކުރައްވާނެކަމަށް ރައީސުލްޖުމްހޫރިއްޔާ ވިދާޅުވެއްޖެ pic.twitter.com/f8UBsNN2Jx
— The President's Office (@presidencymv) January 7, 2024
ރައީސް މުއިއްޒުގެ ކެބިނެޓްގައި ތިއްބަވަނީ 22 ވަޒީރުންނެވެ.
ރައީސް އޮފީހުން ގެންދަނީ ކޮންމެ ހަފްތާއަކު ކެބިނެޓްގެ ނިންމުންތައް މީޑިއާއަށް ހިއްސާ ކުރުމަށް ނޫސްވެރިންގެ ބައްދަލުވުންތައްވެސް ކުރިއަށް ގެންދަމުންނެވެ.