އިންޑިއާގެ އިންޑިގޯގެ ފްލައިޓެއްގެ ދަތުރު ފަސްކުރަން ޖެހުނުކަން އިއުލާންކުރުމާ ގުޅިގެން ޕެސެންޖަރަކު ޕައިލެޓަށް ހަމަލާ ދިން މައްސަލަ ފުލުހުންނަށް ހުށަހަޅައިފި އެވެ
އިންޑިއާގެ މީޑިއާތަކުން ރިޕޯޓްކޮށްފައިވާ ގޮތުގައި މި ހާދިސާ އިއްޔެ ހިނގީ ނިއު ދިއްލީން ގޯއާ ދާން އޮތް ފްލައިޓެއްގެ ތެރޭގަ އެވެ. އުތުރު އިންޑިއާގެ ވައި މިހާރު ވަރަށް ބޮޑަށް ނުސާފުވެ، އެކަމުގެ ނުރައްކަލާ ހެދި ދަތުރު 13 ގަޑިއިރަށް ލަސްކުރަން ޖެހުނު ވާހަކަ ޕައިލެޓް އިއުލާންކުރުމުން ދަތުރުވެރިޔަކު ޕައިލެޓަށް ހަމަލާ ދޭ މަންޒަރު ފެންނަ ވީޑިއޯ ވެސް ސޯޝަލް މީޑިއާގައި ދައުރުވެފައިވެ އެވެ.
A passenger punched an Indigo capt in the aircraft as he was making delay announcement. The guy ran up from the last row and punched the new Capt who replaced the previous crew who crossed FDTL. Unbelievable ! @DGCAIndia @MoCA_GoI pic.twitter.com/SkdlpWbaDd
— Capt_Ck (@Capt_Ck) January 14, 2024
އެ ވީޑިއޯގައި ފެންނަނީ މީހަކު އައިސް ކުއްލިއަކަށް ފުންމައިގެންފައި ޕައިލެޓަށް ހަމަލާދޭ އިރު، ކައިރީގައި ކެބިންކްރޫންތަކެއް ވެސް ތިބޭ ތަނެވެ. އަދި އެކަން ހުއްޓުވަން އެ މީހުންނާއި އިތުރު ޕެސެންޖަރަކު މަސައްކަތްކުރާ ތަން ވެސް ފެނެ އެވެ.
މީޑިއާތަކުން ބުނީ ދަތުރު ލަސްވަމުން ރުޅިގަދަވެގެން ޕައިލެޓަށް ހަމަލާ ދިނީ ސާހިލް ކަތާރިއާ ކިޔާ މީހެއް ކަމަށެވެ. މިި މައްސަލަ ޕައިލެޓް އިންޑިއޯގެ މެނޭޖްމަންޓަށް ހުށަހެޅުމުން އެތަނުން މިހާރު ވަނީ މައްސަލަ ފުލުހުންނަށް ހުށަހަޅައިފަ އެވެ.
ފަހަކަށް އައިސް އިިންޑިއާގެ މަތިންދާބޯޓްތަކުގައި މިފަދަ ހާދިސާތައް ހިނގުން ވަރަށް އާންމެވެ.