ދިވެހިރާއްޖެއަކީ ހެޕަޓައިޓިސް ބީ ކޮންޓްރޯލްވެފައިވާ ގައުމެއް ކަމަށް ދުނިޔޭގެ ސިއްހަތު ޖަމިއްޔާއިން ކަނޑައަޅައިފިއެވެ.
ހެލްތް ޕްރޮޓެކްޝަން އެޖެންސީން ބުނެފައިވަނީ އެގޮތަށް ޑަބްލިއުއެޗްއޯއިން ކަނޑައަޅާފައިވަނީ، ދިގު މުއްދަތަކަށް ރާއްޖެއިން ހެޕަޓައިޓިސް ބީ ވެކްސިން ދިނުން ކުރިއަށް ގެންގޮސްފައިވާތީއާއި، ގިނަ ބަޔަކު އެ ވެކްސިން ޖަހާފައިވުމުންކަމަށެވެ.
އެޗްޕީއޭއިން ބުނެފައިވަނީ މި ފަހުން ހެދި ސާވޭއެއްގައި ސްކޫލްތަކުގައި ކިޔަވާ 6 އަހަރާއި 7 އަހަރުގެ ކުދިންގެ ޓެސްޓުތައް ކުރިއިރު އެއްވެސް ކުއްޖަކު ގައިން އިންފެކްޝަން ފެނިފައިނުވާ ކަމަށެވެ.
މީގެއިތުރުން ގަވައިދުން މާބަނޑު އަންހެނުން ހެޕަޓައިޓިސް ބީއަށް ސްކްރީން ކުރުމާއި، ޕޮޒިޓިވްވާ މީހުންނަށް ފަރުވާދެވި، ޕޮޒޮޓިވެފައިވާ އަންހެނުން ވިހާ ކުދިން ރައްކާތެރިކުރުމަށް އަޅަމުންދާ ފިޔަވަޅުތަކުގެ ސަބަބުން ރާއްޖެއަކީ ހެޕަޓައިޓިސް ބީ ކޮންޓްރޯލްވެފައިވާ ގައުމެއް ކަމަށް ކަނޑައެޅީކަމަށެވެ.
Congratulations 📢 #Maldives and #SriLanka for achieving #hepatitisB control.
An expert panel verified the two countries have had consistently high ⬆️ coverage of hepatitis B vaccine doses in infants & a low disease prevalence.
🔗 https://t.co/jIYbU5T7V7 pic.twitter.com/VPXCgqdyGI
— WHO South-East Asia (@WHOSEARO) January 17, 2024
ހެޕަޓައިޓިސް ބީ އަކީ ވައިރަހެއްގެ ސަބަބުން ފުރަމޭގައި އުފެދޭ އިންފެކްޝަނެކެވެ. މިއީ ރަނގަޅު ފަރުވާ ނުދެވިއްޖެނަމަ ވަރަށް ނުރައްކާތެރިވާ ބައްޔެކެވެ.