ގައުމީ ދުވަސް ފާހަގަ ކުރުމުގެ ގޮތުން "އައި ހޭވް އަ ޑްރީމް" ހުޅުމީދޫ ޓީމުން މިއަދު ހެނދުނު ސ. އަތޮޅު މަދަރުސާގައި ޖަލްސާއެެއް ބާއްވައިފި އެވެ.
މި ޖަލްސާގައި ގައުމީ ދުވަހާ ބެހޭ ގޮތުން ހުޅުދޫ ސްކޫލާއި އަތޮޅު މަދަރުސާ އަދި މީދޫ ޝަމްސުއްދީން ސްކޫލްގެ ދަރިވަރުން ވާހަ ދައްކާފައިވެ އެވެ.
މީގެ އިތުރުން ޖަލްސާގައި ރާއްޖޭގައި ޕޯޗްގީޒުން ވެރިކަން ކުރަމުން ދަނިކޮށް އެ މީހުންގެ އަތް ދަށުން ރާއްޖެ ސަލާމަތްކޮށްދޭ މަންޒަރު ދައްކުވައިދޭ އައިޓަމެއްވެސް ގެނެސް ދީފައިވެ އެވެ. މި އައިޓމް ހުށަހަޅާ ދީފައި ވަނީ ހުޅުދޫ ސްކޫލްގެ ކުދީންނާއި އަތޮޅު މަދަރުސާ އަދި މީދޫ ޝަމްސުއްދީންސްކޫލް ކުދިން ގުޅިގެންނެވެ.
މިޖަލްސާ އިންތިޒާމްކުރުމުގައި އިސްކޮށް ހަރަކާތްތެރިވި އޮފިޝަލަކު ބުނީ ގައުމީ ދުވަސް މިހާ ކުލަ ގަދަކޮށް ފާހަގަ ކުރުމުގެ އެންމެ ބޮޑު މަގްސަދަކީ ގައުމީ އެއްބައިވަންތަކަން ދަމަހައްޓައި، ގައުމީ މިއެއްބައި ވަންތަކަން އަންނަން އޮތް ޖީލުތަކާ ހަމައަށް ވާސިލުކޮށް ދިނުން ކަމަށެވެ.