ރައީސް ޑރ. މުހައްމަދު މުއިއްޒުގެ ސަރުކާރުން ކުރީގެ ރައީސް އަބްދުﷲ ޔާމީނާމެދު ކަންކުރަނީ ވަރަށް ގޯސްކޮށްކަމަށް ވިލިނގިލީ ދާއިރާގެ މެންބަރު ސައުދު ހުސައިން ވިދާޅުވެއްޖެއެވެ.
ސައުދު އެކްސްގައި ކުރެއްވި ޕޯސްޓެއްގައި ވިދާޅުވީ ވެރިކަމުގެ ފުރަތަމަ ދުވަހު ރައީސް ޔާމީން މިނިވަންކުރައްވާނެ ކަމަށް މިސަރުކާރުން ވައުދުވި ކަމަށާއި، އެހެންނަމަވެސް މިއަދު ރައީސް ޔާމީންމަތިން ހަނދާން ނައްތާލާ ޝަރީއަތަށް ހުރަސްއަޅަމުންދާ ކަމަށެވެ.
ސައުދު ވިދާޅުވީ ރައީސް ޔާމީނަށް ތާއީދުކުރާ ފަރާތްތައް ޕާޓީއާއި ސަރުކާރުގެ ތެރެއިން އެކަހެރި ކުރަމުންދާ މަންޒަރު ފެންނަކަމަށެވެ.
"ރައީސް ޔާމީނާމެދު މިގޮތަށް އަމަލުކުރާ ބަޔަކު، ވަކި ރައްޔިތުންނަށް އޯގާތެރިވާނެބާ؟" ސައުދުގެ ޕޯސްޓްގައިވެއެވެ.
Mi sarukaarun Raees Yameen aa medhu kankan kuranee v goas koh. Verikamuge furathama dhuvahu RY minivan kodhevvane kamah vaudhuvi verin miadh RY hadhaan nathaalaa Shariathah huras alhamun dhanee. Adhi Raees yameen ah thaeedh Kuraa enmen party aai sarukaaru therein ekaheri kuraa…
— Saud Hussain (@SaudVillingili) January 23, 2024
ރައީސް މުއިއްޒު ހުވާކުރެއްވިފަހުން ޕީޕީއެމް އަދި ޕީއެންސީގެ ތެރޭގައި ޖެހުނު މައްސަލައެއްގައި ރައީސް ޔާމީނަށް ތާއީދުކުރާ ބައެއް ފަރާތްތަކުން ވަނީ ޕީޕީއެމްއިން ވަކިވެ ވަކި ޕާޓީއެއް އުފެއްދުމުގެ މަސައްކަތް ފަށާފައެވެ. އަދި ރައީސް ޔާމީންގެ އިސްތިއުނާފުގެ މައްސަލަ ލަސްވަމުންދާތީ އެފަރާތްތަކުން އަންނަނީ އެކަމުގެ ކަންބޮޑުވުންވެސް ފާޅުކުރަމުންނެވެ.