ރާއްޖޭގެ އުތުރުން މަސްވެރިކަން ކުރަން އުޅުނު ދޯންޏަކަށް އިންޑިއާ ސިފައިން އަރައިފިއެވެ.
އެމްއެންޑީއެފްއިން ބުނެފައިވަނީ ދިވެހިރާއްޖޭގެ ޚާއްޞަ އިޤްތިސާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް، ބޭރުގެ އަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން އަރާފައިވާކަމުގެ ރިޕޯޓެއް ލިބިފައިވާ ކަމަށެވެ.
އެސަރަހައްދަށް އެމްއެންޑީއެފް ކޯސްޓްގާޑުގެ އުޅަނދެއް މިހާރު ދަތުރުކުރަމުންދާ ކަމަށްވެސް އެމްއެންޑީއެފްއިން މައުލޫމާތުދެއެވެ. އެމްއެންޑީއެފްއިން ބުނެފައިވަނީ މިކަން ބަލަމުންގެންދާ ކަމަށެވެ.
ބޮޑުކަންނެލި މަސްވެރިންގެ ޔޫނިއަނުން ސޯޝަލްމީޑިއާގައި ބުނެފައިވަނީ، އިންޑިއާގެ މަނަވަރަމުން ސިފައިން އަރާފައިވަނީ އ.ދ މަހިބަދޫ "އަސުރުމާ 3" ދޯންޏަށް ކަމަށެވެ.
ރާއްޖޭގެ ކަނޑުގެ ސަރަހަްދުގައި މަސްވެރިކަން ކުރަމުންދިޔަ އ.ދ މަހިބަދޫ އަސުރުމާ3 ދޯންޏަށް މިވަގުތު އިންޑިއާގެ މަނަވަރެއް ކައިރިކޮށް ދޯންޏަށް ސިފައިން އަރައިފިކަމަށް މައުލޫމާތު ލިބިއްޖެ.މިކަން އެއްމެ ހަރުކަށި އިބާރާތުން ކުށްވެރިކުރަން!މިކަން ބަލައިދެއްވާ! @MFORmv @MNDF_mv pic.twitter.com/bStJ9EtEwC
— Bodu Kanneli Masveringe union- BKMU (@FishermensUnion) January 31, 2024