ހުސްވެފައިވާ ބާ ކައުންސިލް ރައީސްގެ މަގާމަށް ދެ ފަރާތަކުން ކުރިމަތި ލައްވައިފިއެވެ.
ބާ ކައުންސިލްގެ ރައީސްގެ މަގާމު ހުސްވީ އެ މަގާމުގައި ހުންނެވި އިސްމާއިލް ވިޝާމް ކުއްލިގޮތަކަށް އަވަހާރަވުމާ ގުޅިގެންނެވެ.
ބާ ކައުންސިލްގެ ރައީސްގެ މަގާމަށް ކުރިމަތިލައްވާފައިވަނީ ޤާނޫނީ ވަކީލް ޙުސައިން ސިރާޖް އަދި ޤާނޫނީ ވަކީލް މުޙައްމަދު ފައިޞަލްއެވެ. މީގެއިތުރުން ބާ ކައުންސިލްގެ އެގްޒެކެޓިވް ކޮމިޓީގެ މެންބަރު ކަމަށް ކުރިމަތިލައްވާފައިވަނީ އަޙްމަދު ޝިފާޢު އެކަންޏެވެ.
The Bar Council Executive Committee Election is approaching. Candidate ballot numbers are in. Stay tuned for voting details and learn more about the candidates. Your vote matters. #BarCouncil #ElectionUpdate pic.twitter.com/SnrRswYFAK
— Bar Council of the Maldives (@MvBarCouncil) February 26, 2024
ކައުންސިލުގެ ރައީސްގެ އިތުރުން ބާ ކައުންސިލުގެ އެގްޒެކެޓިވް ކޮމިޓީގެ މެންބަރުކަމުގެ މަގާމަށް މެންބަރުން ހޮވުމަށް ބާއްވާ އިންތިހާބު، ބޭއްވުމަށް ހަމަޖެހިފައިވަނީ މާޗް 17 ވަނަ ދުވަހުއެވެ.
ބާ ކައުންސިލުގެ ރައީސް ކަމަށް ކުރިމަތިލާ މީހަކީ ޤާނޫނީ ވަކީލެއްގެ ގޮތުގައި މަސައްކަތްކުރުމުގެ 10 އަހަރު ދުވަހުގެ ތަޖުރިބާ ހުރި މީހަކަށް ވާންޖެހެއެވެ. އަދިޤާނޫނީ ދާއިރާގައި ކޮށްފައިވާ މަސައްކަތުގެ ތެރޭގައި އެމީހެއްގެ ނަޒާހަތްތެރިކަމާމެދު ސުވާލު އުފެދޭ ފަދަ މައްސަލައެއް ޝަރުޢީ ކޯޓަކުން ނުވަތަ ބާ ކައުންސިލަށް ސާބިތުވެފައިވާ ފަރާތެއް ކަމުގައި ނުވުމާއި ޤާނޫނީ ގޮތުން ބަނގުރޫޓުވެފައިވާ މީހެއްކަމުގައި ނުވުން ނުވަތަ ޖިނާޔަތުގެ ކުށެއް ސާބިތުވެފައިވާ މީހެއް ކަމުގައި ނުވުން ހިމެނެއެވެ.