ރައްޔިތުންގެ މަޖިލީހުގެ ކެމްޕޭނަށް ކުރީގެ ރައީސް އިބްރާހިމް މުހައްމަދު ސޯލިހް ށ. އަތޮޅަށް ވަޑައިގެންފިއެވެ.
އެމްޑިޕީގެ އެޑްވައިޒަރު ސޯލިހް ކެމްޕޭނަށް ށ. އަތޮޅަށް ވަޑައިގެންފައިވާއިރު އެންމެ ފުރަތަމަ ވަޑައިގެންފައިވަނީ ށ.މާއުނގޫދޫއަށެވެ.
ސޯލިހް ށ. އަތޮޅަށް ކުރައްވާ ދަތުރުފުޅަކީ ށ. ފުނަދޫ ދާއިރާއަށް އެމްޑީޕީގެ ޓިކެޓުގައި ވާދަކުރައްވާ އިލްހާމް އަހުމަދުގެ ކެމްޕޭނަށް ކުރައްވާ ދަތުރުފުޅެކެވެ. ސޯލިހް ވަނީ މާއުނގޫދޫގައި އެމްޑީޕީއަށް ތާއީދުކުރައްވާ ފަރާތްތަކާވެސް ބައްދަލުކުރައްވާފައެވެ.
ރައީސް @ibusolih ބައިވެެރިވެ ވަޑައިގެން، މަޖިލިސް20 ށ.ފުނަދޫ ދާއިރާގެ މިޕާޓީގެ ކެންޑިޑޭޓު @ilhammaldives ގެ ކެންޕެއިން ޖަލްސާ ށ.މާއުނގޫދޫގައި ކުރިއަށްދަނީ.
ކުރިއަށް މިއޮތް މަޖިލިސް އިންތިޚާބުގައި ރާއްޖޭގެ އަދުގެ ޙާލަތު ބަދަލުކުރުމަށް އެންމެންގެ ވޯޓު ތިލަފަތަށް ދެއްވާ! ⚖️ ✓… pic.twitter.com/WgMsr4D0P8
— MDP Secretariat (@MDPSecretariat) March 9, 2024
ސޯލިހް ށ. އަތޮޅުގައި ކެމްޕޭން ހަރަކާތްތައް ކުރިއަށްގެންދަވާއިރު އެމްޑީޕީގެ ރައީސް އަދި ކުރީގެ ފޮރިން މިނިސްޓަރު އަބްދުﷲ ޝާހިދު އަންނަނީ އައްޑޫސިޓީގައި ކެމްޕޭން ހަރަކާތްތައް ކުރިއަށް ގެންދަވަމުންނެވެ.
20 ވަނަ މަޖިލިސް އިންތިހާބުގައި ޖުމްލަ 368 ކެންޑިޑޭޓުން ވާދަކުރެއެވެ. މީގެ ތެރޭގައި ހިމެނީ 326 ފިރިހެން އަދި 42 އަންހެން ކެންޑިޑޭޓުންނެވެ. 20 ވަނަ މަޖިލީހަށް 93 މެންބަރަކު އިންތިހާބު ކުރާނެއެވެ. އެމްޑީޕީން އިންތިހާބުގައި ވާދަކުރަނީ 90 ކެންޑިޑޭޓުންނެވެ.