އިލެކްޝަންސް ކޮމިޝަނުގައި 21 އަހަރު މަސައްކަތް ކުރެއްވުމަށްފަހު އެ ކޮމިޝަންގެ ނައިބުރައީސް އިސްމާއިލް ހަބީބް އީސީން ވަކިވެވަޑައިގެންފިއެވެ.
ހަބީބް އީސީން ވަކިވެވަޑައިގަތީ ކޮމިޝަންގެ މެންބަރުކަން ދެ ދައުރުގައި ކުރެއްވުމަށްފަހުއެވެ. އިލެކްޝަންސް ކޮމިޝަންގެ ޤާނޫނުގައި ބުނެފައިވާގޮތުން ކޮމިޝަންގެ މެންބަރު ކަމުގައި ގިނަވެގެން ހުރެވެނީ 5 އަހަރުގެ ދެ ދައުރަށެވެ.
ހަބީބް އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، އާންމު އިންތިހާބުތައް ރާވާ ހިންގުމުގައި، އިންތިހާބުތަކާބެހޭ އޮފީހުގެ މުވައްޒަފެއްގެ ހައިސިއްޔަތުންނާއި ކޮމިޝަންގެ މެންބަރެއްގެ ހައިސިއްޔަތުން ރައްޔިތުންނަށް ހިދުމަތްކުރަން ލިބުނު 21 އަހަރަކީ ދެމިހުންނާނެ ތަޖުރިބާތަކެއް ކަމަށެވެ.
THANK YOU@ElectionsMv @mvpeoplesmajlis @presidencymv @PoliceMv @hrcmv @cscmaldives @lgaMaldives @PGO_MV @AGOmv @PensionOffice @EU_Maldives @UNDPMaldives @IFES1987 @USAIDMaldives @broadcomMV @mmc_mv @TransparencyMV @MDPSecretariat @ibusolih @ProgressPartyMV @prz_ymn @MMuizzu… pic.twitter.com/s4wGSNDT5n
— Ismail Habeeb (@IsmailHabeeb) March 12, 2024
ހަބީބް އީސީގެ މެންބަރުކަމަށް ފުރަތަމަ އައްޔަނު ކުރައްވާފައިވަނީ 13 މާޗް 2014 ގައެވެ. އަދި ދެވަނަ ދައުރަކަށް އީސީގެ މެންބަރުކަމަށް އައްޔަނު ކުރައްވާފައިވަނީ 13 މާޗް 2019 ގައެވެ.