ރާއްޖެ އަށް މި އަހަރު ޓޫރިސްޓުން ގެންނަން އަމާޒު ހިފާފައިވާ އަމާޒަށް ވާސިލުވުމަށްޓަކައި އޭގެ 25 ޕަސެންޓް މިހާރު ހާސިލުކުރެވިފައިވާ ކަމަށް ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވެއްޖެ އެވެ.
މި އަހަރުގެ މިހާތަނަށް 500،000 އަށް ވުރެ ގިނަ ޓޫރިސްޓުން ޒިޔާރަތްކޮށްފައިވާތީ އެކަން ފާހަގަކުރައްވައި މިނިސްޓަރު ސޯޝަލް މީޑިއާ ޕޯސްޓެއްގައި ވިދާޅުވީ އެ އަދަދަކީ މި އަހަރު 2.3 މިލިއަން ޓޫރިސްޓުން ގެންނަން ހިފާފައިވާ އަމާޒުގެ ހަތަރު ބައިކުޅަ އެއްބައި ކަމަށެވެ.
We are 25% closer to our goal and ahead of schedule!
This is the result of all the hard work put in by every single individual in the tourism industry, to showcase the hospitality and beauty of our country.
We still have a ways to go – let’s continue to work hard! pic.twitter.com/bR6bG4YqUx
— Ibrahim Faisal (@ifaisalofficial) March 21, 2024
ޓޫރިސްޓުންގެ އެންމެ ފަހުގެ ހިސާބުތައް ދައްކާ ގޮތުން މި މަހުގެ 16 އާ ހަމައަށް ރާއްޖެ އަށް ޖުމްލަ 506،015 ޓޫރިސްޓުން ޒިޔާރަތްކޮށްފައި އެވެ.
އެ އަވަރުގެ އަދަދެއްގެ ފުރަތަމަ ތިން މަސްތެރޭގައި ރާއްޖެ އަށް ޒިޔާރަތްކޮށްފައިވާތީ މިނިސްޓަރު ވިދާޅުވީ މިއީ ޓޫރިޒަމް ދާއިރާގައި އުޅޭ އެންމެން ކުރާ މަސައްކަތުގެ ނަތީޖާ ކަމަށެވެ.
ރާއްޖެ އަށް މިހާރު އެންމެ ގިނައިން ޓޫރިސްޓުން އަންނަނީ ޗައިނާއިންނެވެ. ދެވަނަ އަށް ރަޝިއާ އިން އެންމެ ގިނަ ޓޫރިސްޓުން އަންނަ އިރު ތިން ވަނަ އެންމެ ގިނައިން އަންނަނީ އިޓަލީންނެވެ.