އަންނަ މަހު ބާއްވާ އިންޑިއާގެ އާންމު އުންތިހާބުގައި ވާދަކުރާނެކަން އެ ގައުމުގެ ބަތަލާ ކަންގަނާ ރަނާވަތު އިއުލާންކޮށްފި އެވެ
ވެރިކަން ކުރާ ބީޖޭޕީގެ ޓިކެޓްގައި އޭނަ ވާދަކުރަން ނިންމާފައި ވަނީ އުފަން ސްޓޭޓް، ހިމާޗަލް ޕްރަދޭޝްގެ މަންޑީ ދާއިރާގެ ގޮނޑިއަކަށެވެ. އެ އެ ދާއިރާގެ ބީޖޭޕީ ޓިކެޓް ކަންގަނާ އަށް ދޭން އިއްޔެ އެ ޕާޓީގެ އެންމެ އިސް ފަރާތްތަކުން ނިންމުމާ ގުޅިގެން ހުނަރުވެރި ބަތަލާ ވަނީ ޕާޓީ އަށް ވަރަށް ބޮޑަށް ޝުކުރު ވެސް އަދާކޮށްފަ އެވެ.
ކަންގަނާ އަކީ ބޮޑުވަޒީރު ނަރެންދުރަ މޯދީ އާއި ބީޖޭޕީ އަށް ވަރަށް ބޮޑަށް ސަޕޯޓްކުރާ ބަތަލާއެކެވެ. އަދި އޭނަ ފާހަގަކުރެވިފަައި ވަނީ މުސްލިމުންނާ ދެކޮޅު، ހަރުކަށި ހިންދޫ ފިކުރު ގެންގުޅޭ މީހެއްގެ ގޮތުގަ އެވެ.
My beloved Bharat and Bhartiya Janta’s own party, Bharatiya Janta party ( BJP) has always had my unconditional support, today the national leadership of BJP has announced me as their Loksabha candidate from my birth place Himachal Pradesh, Mandi (constituency) I abide by the high…
— Kangana Ranaut (@KanganaTeam) March 24, 2024
އިންޑިއާގެ ގާނޫނު ހަދާ މަޖިލީހުގެ ތިރިގެ ލޯކް ސަބާ އަށް ކަންގަނާ ވަދާކުރަން މި ފަހަރު ނިންމީ އޭނަ ވަރަށް އަވަހަށް ސިޔާސީ ދާއިރާ ފެނިދާނެކަމުގެ ވާހަކަތަކެއް މި ފަހުން ވަރަށް ބޮޑަށް ދެކެވިފައި ވަނިކޮށެވެ. ހަތަރު ނެޝަނަލް އެވޯޑް ހޯދާފައިވާ ބަތަލާ ބުނެފައިވާ ގޮތުގައި އެފަދަ ފުރުސަތެއް ރައްޔިތުން އޭނަ އަށް ދޭން ބޭނުންވާ ނަމަ އެކަމުގައި ސާބިތުވެ ހުންނާނެ އެވެ.
ލޯކް ސަބާ އިންތިހާބު ފަށާނީ އަންނަ މަހުގެ 19 ގަ އެވެ. އަދި މިޖ އިންތިހާބުގެ ވޯޓްލުން ޖޫން 1 އާ ހަމައަށް ކުރިއަށް ދާނެ އެވެ. އިންތިހާބުގެ ނަތީޖާ އިއުލާން ކުރަން ފަށާނީ ޖޫން 4 ގަ އެވެ.
މި ފަހަރުގެ އިންތިހާބުގައި ވާދަކުރާ ފިލްމީ ތަރިންގެ ތެރޭގައި މަޝްހޫރު ސިލްސިލާ "ރާމާޔަން" ގެ ބަތަލު އަރޫން ގޯވިލް ވެސް ހިމެނެ އެވެ. ބީޖޭޕީގެ ޓިކެޓްގައި އޭނަ ވާދަކުރާނީ އުއްތަރު ޕްރަދޭޝްގެ މީރަތު ދާއިރާއަށެވެ. މީގެ އިތުރުން ކޮންގްރެސްގެ ފަރާތުން ބަތަލާ ނޭހާ ޝަރުމާ ވެސް ލޯކް ސަބާ އަށް ވާދަކުރާނެ ކަމަށް ބެލެވެ އެވެ.