ހިޔާ ފުލެޓު ސަރަހައްދުގައި އެހެން ދީންތަކުގެ ލިޔުންތަކެއްއެޅި މައްސަލައެއްގައި ދެ އަންހެނަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ބުނެފައިވަނީ ހިޔާ ފްލެޓްތަކުގެ މެއިލްބޮކްސްތަކަށް، ދިވެހިރާއްޖޭގެ ދީނީ އެއްބައިވަންތަކަން ހިމާޔަތްކުރުމުގެ ޤާނޫނާ ހިލާފަށް ލިޔުންތަކެއް އެޅި މައްސަލައަކާ ގުޅިގެން 2 އަންހެނަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މި ދެމީހުންނަކީ ޖަރުމަނުވިލާތަށް ނިސްބަތްވާ ދެމީހުން ކަމަށާއި، އެމީހުން ރާއްޖެ އައިސްފައިވަނީ ޓޫރިސްޓް ވިސާގައި ކަމަށްވެސް ފުލުހުން މައުލޫމާތުދެއެވެ.
These individuals have been taken to the Hulhumale Phase 2 Police Station. https://t.co/ZNMWXZVXVL
— Ahmed Shifan (@Shifan4040) March 27, 2024
ފުލުހުން ބުނެފައިވަނީ މި މައްސަލައިގައި ބަލަންޖެހޭ ކަންކަން ބަލަމުން ގެންދާކަމަށެވެ.
މައުލޫމާތު ލިބިފައިވާ ގޮތުގައި މި ދެ މީހުން އަޅަމުންދިޔައީ ކްރިސްޓިއަން ދީން ފެތުރުމުގެ ލިޔުންތަކެކެވެ.