މީގެ 37 އަހަރު ކުރިން ރިލީޒްކުރި "މިސްޓަ އިންޑިއާ" ގެ ދެވަނަ ބައި ހަދާނެކަމުގެ ޔަގީންކަން ދޭ ކަމަށާއި އެ ފިލްމު ހަދާނީ ބޭރުގެ ސްޓޫޑިއޯއަކާ ގުޅިގެން ކަމަށް ޕްރޮޑިއުސަރު ބޯނީ ކަޕޫރް ބުނެފި އެވެ.
ބޯނީ އާއި ޒީ ސްޓޫޑިއޯސް ގުޅިގެން، ޑައިރެކްޓަރު އަލީ އައްބާސް ޒަފަރާ އެކީ "މިސްޓަ އިންޑިއާ" ގެ ޓްރިލޮޖީއެއް ހަދަން 2020 ގައި އިއުލާންކުރުމުން އެ ފިލްމާ ގުޅުން ހުރި އެކި ފަރާތްތަކުން އެކަމާ ކަންބޮޑުވުން ފާޅުކޮށްފައިވެ އެވެ. އޭގެ ތެރޭގައި 1987 ގެ "މިސްޓަ އިންޑިއާ" ގެ ޑައިރެކްޓަރު ޝޭކަރް ކަޕޫރް ވެސް ހިމެނެ އެވެ.
The argument on a remake of #MrIndia is not that no one took permission from me or even bothered to tell me.
The question is. If you are remaking a feature film, based on a director’s very successful work, does the Director have no creative rights over what he/she created?
— Shekhar Kapur (@shekharkapur) February 27, 2020
ބެލުންތެރިންގެ ބަރަށް ބޮޑު މަގުބޫލު ކަމެއް ހޯދި އެ ފިލްމަކީ ބޯނީ ޕްރޮޑިއުސްކޮށް، އޭނަގެ މަރުވެފައިވާ އަންހެނުން ކުރީގެ ބަތަލާ ސްރީދޭވީ އާއި ކޮއްކޮ އަނިލް ކަޕޫރް ލީޑް ރޯލު ކުޅުނު ފިލްމެކެވެ. ސުޕަހީރޯ ފިލްމެއްގެ ގޮތުގައި ގެނެސްދިން "މިސްޓަ އިންޑިއާ" ގެ ސްކްރީންޕްލޭ ލިޔުނީ ޖާވިދު އަޚްތަރާއި ސަލީމް ޚާނެވެ.
ޝޭކަރް ފާޅުކުރި ކަންބޮޑުވުންތަކާ ގުޅިގެން ޖާވިދު ރައްދު ވެސް ދީފައިވެ އެވެ.
Shekhar saheb the story the situations the scenes the characters the dialogue the lyrics even the title none of these were yours .I gave it all to you . Yes you execute it very well but how can your claim on the film be more than mine . It wasn’t you idea . It wasn’t your dream
— Javed Akhtar (@Javedakhtarjadu) February 28, 2020
މީގެ ޓްރިލޮޖީއެއް ހަދަން އިއުލާން ކުރުމުން ބައެއް ފަރާތްތަކުން ފާޅުކުރި ހިތްހަމަނުޖެހުންތަކާ އެކީ "މިސްޓަ އިންޑިއާ" ޓްރޮލޮޖީގެ ވާހަކަ އޮތީ ހުއްޓިފަ އެެވެ.
ނަމަވެސް މި ހަފުތާގައި ތިން މީޑިއާއަކަށް ދިން އިންޓަވިއުތަކެއްގައި ބޯނީ ވަނީ "މިސްޓަ އިންޑިއާ 2" ހަދާނެކަން ޔަގީންކޮށް ދީފަ އެވެ. އޭނަ ބުނީ އެ ފިލްމު ހަދާނީ ޒީ ސްޓޫޑިއޯސް އާއި ބޭރުގެ ސްޓޫޑިއޯއެއް ގުޅިގެން ކަމަށެވެ.
"އެކަމުގެ މަޝްވަރާތައް ކުރިއަށް އެބަދޭ. ނަމަވެސް މި ދަނޑިވަޅުގައި އަދި ނެތް އަހަންނަކަށް މި ޕްރޮޖެކްޓާ ބެހޭ އިތުރު އެއްވސް ތަފުސީލެއް ދެވޭކަށް،" ބޮލީވުޑް ހަންގާމާ އަށް އޭނަ ބުންޏެވެ. "އެކަމަކު ޔަގީންކަން ދެވޭނެ މިސްޓަ އިންޑިއާ ދޭއް ހަދާނެކަން."