އިންޓަގްރޭޓެޑް ޓޫރިޒަމަށް ހާއްސަކޮށްގެން ތަރައްގީ ކުރަން ނިންމާފައިވާ އައްޑޫ ހަންކެޑެ މަޝްރޫއު މާދަމާ ރޭ ލޯންޗްކުރަން ނިންމައިފި އެވެ.
މި މަޝްރޫއާ ހަވާލުވެފައިވާ ސަރުކާރުގެ ކުންފުނި މޯލްޑިވްސް ފަންޑް މެނޭޖްމަންޓް ކޯޕަރޭޝަން ކޮމްޕެނީ (އެމްއެފްއެމްސީ) އިން މިއަދު ބުނީ މަޝްރޫއު ލޯންޗްކުރުމުގެ ރަސްމިއްޔާތު ބާއްވަން ހަމަޖެހިފައި ވަނީ ހަންކެޑެ ސައިޓްގައި މާދަމާ ރޭ 8:30 ގައި ކަމަށެވެ.
އެ ރަސްމިއްޔާތު ޝަރަފުވެރިކޮށް ދެއްވާނީ ހޯމްލޭންޑް މިނިސްޓަރު އަލީ އިހުސާނެވެ.
ހަންކެޑެ ތަރައްގީ ކުރަން އެމްއެފްއެމްސީން ހަވާލުކޮށްފައި ވަނީ ޗައިނާގެ ކުންފުންނެއް ކަމަށްވާ ޗައިނާ ނޭޝަނަލް އިލެކްޓްރިކަލް އިންޖިނިއަރިން (ސީއެންއީސީސީ) އާ އެވެ. އެކަމުގެ އެއްބަސްވުމުގައި ސޮއިކުރީ މިދިޔަ އަހަރުގެ މާޗް 30 ގަ އެވެ.
Today we signed the EPC contract for Hankede Integrated Tourism Development Project between Maldives Fund Management Corporation (MFMC) and China National Electrical Engineering Company (CNEEC).
(1/2) pic.twitter.com/fKal2KHV8N
— Maldives Fund Management Corporation (@mfmc_mv) March 30, 2023
ހަންކެޑެ ތަރައްގީ ކުރަން ހަމަޖެއްސީ ބޭންކް އޮފް ޗައިނާ އިން 145 މިލިއަން ޑޮލަރު (2.2 ބިލިއަން ރުފިޔާ) ގެ ލޯނެއް ނަގައިގެންނެވެ. މި ޕްރޮޖެކްޓްގައި ޖުމްލަ 1،041 ކޮޓަރި ހިމެނެ އެވެ. އަދި އެއީ ބެޑް ކެޕޭސިޓީ އަށް ބަލާ އިރު، 2،080 އެނދެވެ.
Introducing the Hankede Integrated Tourism Project. A project that will revitalize Addu City and enhance the tourism experience. An opportunity for Addu citizens to benefit from integrated tourism through more jobs, and by creating a favourable environment for SMEs to thrive. pic.twitter.com/glRxXsVRQL
— Maldives Fund Management Corporation (@mfmc_mv) January 27, 2023
މަރަދުއާ އިންވެގެން އޮންނަ ހަންކެޑެ ތަރައްގީ ކުރުމަށްޓަކައި އެ ރަށާއި ގައުކެނޑި ގުޅުވައިދޭ ބްރިޖް ވެސް ބަދަލުކުރަން ފެށި މަސައްކަތް މިހާރު އޮތީ އެއްކޮށްހެން ނިމިފަ އެވެ. ގައުކެނޑި އާއި މަރަދޫ ގުޅޭ ގޮތަށް ބްރިޖްގެ މަސައްކަތް ކުރަނީ އިންޑިއާގެ އެފްކޮންސްއިންނެވެ.
ހަންކެޑެ މަޝްރޫއު މި ސަރުކާރުން މާދަމާ ރޭ އިފުތިތާހު ކުރަން ނިންމި އިރު، އެ މަޝްރޫއު ނުފަށައި ލަސްވާތީ އިދިކޮޅު އެމްޑީޕީން ތަކުރާރުކޮށް ކަންބޮޑުވުން ފާޅުކޮށްފައިވެ އެވެ.
ހުކުރު ދުވަހުގެ ރޭ ރައީސް ޑރ. މުހައްމަދު މުއިއްޒު އައްޑޫގައި ވިދާޅުވީ ހަންކެޑެ މަޝްރޫއު މިހާރު އޮތީ ފެށުމުގެ މަރުހަލާގައި ކަމަށެވެ.