އައްޑޫ ސިޓީ ހިތަދޫ މެދު ދާއިރާގެ ގޮނޑި ޕީއެންސީގެ ކެންޑިޑޭޓް އަހުމަދު އަޒާން ކާމިޔާބު ކުރައްވައިފި އެވެ.
މިއަދު ކުރިއަށްދިޔަ މަޖިލިސް އިންތިހާބުގައި އަޒާންއާ ވާދަކުރެއްވީ އެމްޑީޕީގެ ކެންޑިޑޭޓް އަދި އައްޑޫ ސިޓީ ކައުންސިލްގެ ޑެޕިއުޓީ މޭޔަރު މުހައްމަދު ޝުއާއު އެވެ. އިންތިހާބުގެ ވަގުތީ ނަތީޖާތައް ދައްކާ ގޮތުން އަޒާން ވަނީ މި އިންތިހާބު މިހާރު ކާމިޔާބު ކުރައްވާފަ އެވެ.
މިއީ ހިތަދޫގެ މަޖިލިސް ގޮނޑިއެއް ޕީއެންސީ އަށް ކާމިޔާބު ކުރެވުނު ފުރަތަމަ ފަހަރެވެ.
އަޒާނަކީ ސްކޫލް ދައުރުން ފެށިގެން އައްޑޫގެ ތަރައްގީއާ ގުޅޭ މަސައްކަތްތަކުގައި ގާތުން މަސައްކަތް ކުރައްވަމުން ގެންދަވާ ބޭފުޅެކެވެ.