ދުއްވި ސައިކަލާ އެކީ ހދ. ނޮޅިވަރަމްގައި މީހަކު މޫދަށް ވެއްޓި މަރުވެއްޖެ އެވެ.
ފުލުހުން މިއަދު ބުނީ އެ މީހާ ސައިކަލާއެކު މޫދަށް ވެއްޓިގެން ރަށު ހެލްތު ސެންޓަރުގައި ފަރުވާ ދޭން ފެށިކަމުގެ ރިޕޯޓު ލިބުނީ ރޭ 9:15 ހާއިރު ކަމަށެވެ. ހެލްތު ސެންޓަރުގައި އެ މީހާ އަށް ފަރުވާ ދެނިކޮށް އޭނަ މަރުވީ ރޭގެ ވަގުތެއްގަ އެވެ.
މަރުވީ އުމުރުން ނޮޅިވަރަމް ގާޑްނިޔާވިލާ އިލްޔާސް އިބްރާހީމް، 32، އެވެ.
އޭނަގެ ޖަނާޒާ އޮތީ މިއަދު ހެނދުނު 10:00 ގައި އެ ރަށު މަސްޖިދު ސަލާމްގަ އެވެ.