ފުވައްމުލަކުގައި ފުލުހުން ރޭ ހިންގި ޑްރަގު އޮޕަރޭޝަނަކަށް ހުރަސްއަޅައި ހަމަނުޖެހުން ހިންގި ބަޔަކު ހައްޔަރުކޮށްފިއެވެ.
ފުލުހުން ބުނީ،އެ ސިޓީގައި މަސްތުވާތަކެތި ގެންގުޅުނު ކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެންދަން މަސައްކަތް ކުރަމުން ދަނިކޮށް ބަޔަކު ނިކުމެ ފުލުހުންގެ ވާޖިބަށް ހުރަސް އަޅައި ހަމަނުޖެހުން ހިންގައި ފުލުހުންނާއި ކުރިމަތިލާފައިވާ ކަމަށެވެ. އަދި ހަމަނުޖެހުމުގައި ފުލުހަކަށް އަނިޔާ ވެސް ވެފައިވާ ކަމަށް ބުންޏެވެ.
މިމައްސަަލައާ ގުޅިގެން 3 މީހަކު ހައްޔަރުކޮށްފައިވާ، މިކަން މިހާރު އަންނަނީ އިތުރަށް ތަހުގީގު ކުރަމުންނެވެ.