ބޯކޮށް ވާރޭ ވެހުމުގެ ސަބަބުން އިންޑިއާގެ ވެރިރަށް، ނިއު ދިއްލީގެ އެއާޕޯޓެއްގެ ފުރާޅުން ވެއްޓި ހިނގި ނުރައްކާތެރި ހާދިސާއެއްގައި އެކަކު މަރުވެ، އިތުރު ބަޔަކު މިއަދު ޒަހަމްވެގެން ފަރުވާ ދޭން ފަށައިފި އެވެ.
މި ހާދިސާ ހިނގީ މިއަދު ފަތިހު 5:00 އެހާކަށް އިރު ހިނގީ އިންދިރާ ގާންދީ އިންޓަނޭޝަނަލް އެއާޕޯޓްގެ ޓާމިނަލް 1 ގަ އެެވެ. އެތަނުގެ ފުރާޅު ވެއްޓި މަރުވީ ފިރިހެނެކެވެ. އެ މީހާ މަރުވީ ޓާމިނަލް ކައިރީގައި އޮތް އޭނަގެ ކާރުގެ މައްޗަށް ޓާމިނަލްގެ ތަނބެއް ބިންދައިގެން ކާރު މައްޗަށް ވެއްޓި ލިބުނު ސީރިއަސް ގެއްލުންތަކާ ގުޅިގެންނެވެ.
މި ހާދިިސާގައި ޒަހަމްވި އިތުރު 8 މީހަކަށް އަންނަނީ ހޮސްޕިޓަކްފައި ފަރުވާ ދެމުންނެވެ.
ޓާމިނަލްގެ ފުރާޅު ވެއްޓުނު ހާދިސާއާ ގުޅިގެން އިންދިރާ ގާންދީ އެއާޕޯޓުން ނެރުނު ބަޔާނެއްގައި ބުނީ ފުރާޅުން ވެއްޓުނު ބަޔަކީ ދުވަސްވެފައިވާ ބައެއް ކަމަށެވެ. އަދި އެ ހާދިސާ ގުޅިގެން ޓާނިމަލް 1 ގެ ހިދުނަތް ވަގުތީ ގޮތުން ވަނީ މެދުކަނޑާލައިފަ އެވެ.
މި ހާދިސާގެ ކަންކަން މިހާރު ވަރަށް ގާތުން ބަލަމުން އަންނަ ކަމަށް އިންޑިއާގެ ސިވިލް އޭވިއޭޝަން މިނިސްޓަރު ރާމް މޯހަން ނައިޑޫ އެކްސްގައި ވިދާޅުވި އެވެ.