ލޯކަލް ގަވަރަމަންޓް އޮތޯރިޓީގެ (އެލްޖީއޭ) ބޯޑަށް އަތޮޅު ކައުންސިލްތަކުން އިންތިޚާބުކުރާ މެންބަރު އިންތިޚާބުކުރުމަށް ބާއްވާ އިންތިޚާބަށް ކުރިމަތިލުމުގެ ފުރުސަތު ހުޅުވައިލައިފި އެވެ.
މި މަހުގެ 24 ގައި ބާއްވާ އިންތިހާބަށް ފުރުސަތު ހުޅުވާލާފައި ވަނީ އަންނަ ބުރާސްފަތި ދުވަހުގެ މެންދުރު ފަހު 1:30 އާ ހަމަށެވެ.
އިންތިޚާބުގައި ވޯޓު ދިނުމުގެ ހައްގު ލިބިފައިވާ މީހުންގެ ލިސްޓު ވެސް އާންމުކޮށް ޝަކުވާ ހުށަހެޅުމުގެ ފުރުސަތު ވެސް މިހާރު އޮތީ ހުޅުވާލައިފަ އެވެ. އެގޮތުން ލިސްޓާ ގުޅޭ ގޮތުން އެއްވެސް ޝަކުވާއެއްވާ ނަމަ މިއަދު މެންދުރު ފަހު 1:30 ގެ ކުރިން މެއިލް [email protected] އަށް ހުށަހަޅަން ޖެހެއެވެ.
ކެންޑިޑޭޓުންގެ ނަންތައް ތަރުތީބުކޮށް އިއުލާން ކުރުމަށް ހަމަޖެހިފައި ވަނީ 20 ވަނަ ދުވަހު އެވެ.