މާދަމާ ލޯންޗްކުރަން ހަމަޖެހިފައިވާ އިސްލާމިކް މިނިސްޓްރީގެ އާ ވެބްސައިޓްގެ ލައިބްރަރީ އަށް ދީނީ ފޮތްތައް ހަދިޔާ ކުރުމުގެ ފުރުސަތު އާންމުކޮށް ހުޅުވާލާފައިވާ ކަމަށް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ސޯޝަލް މީޑިއާ ޕޯސްޓެއްގައި މިނިސްޓަރު މިއަދު ވިދާޅުވީ އޮންލައިން ލައިބްރަރީއަށް ފޮތް ހަދިޔާކުރަން ހުރިހާ މީހުންނަށް ވެސް އެ ފުރުޞަތު އޮންނާނެ ކަމަށެވެ.
"އަޅުގަނޑު މި ފަހުން ލިޔެފައިވާ ހުރިހާ ފޮތެއް، އިސްލާމީ ވުޒާރާގެ ވެބްސައިޓްގައި ޤާއިމުކުރާ އިސްލާމިކް ވަޤުފު އޮންލައިން ލައިބްރަރީއަށް ލުމަށް މިނިސްޓްރީ އަށް ހަދިޔާކޮށްފިން." ޝަހީމު ވިދާޅުވި އެވެ.