ބިޔަރު ދަޅުތަކަކާ އެކީ ހުޅުމާލެ އިން ދެ މީހަކު ހައްޔަރުކޮށްފި އެވެ.
ފުލުހުން ބުުނީ އެ މައްސަލައިގައި މިއަދު ހެނދުނު ހައްޔަރުކުރީ 29 އަހަރުގެ ފިރިހެނަކާއި 38 އަހަރުގެ ދިވެހި ފިރިހެނުން ކަމަށެވެ.
އެ މީހުން ހައްޔަރުކުރީ ހުޅުމާލެ ފޭސް 1 ގެ ފުލުހުން ރަށުތެރެ ޕެޓްރޯލު ކުރަމުން ދިޔައިރު ހުޅުމާލެ ބީޗު ކުލަބް ކައިރިން ދެ މީހަކު ދަބަހެއް އެއްލައިލާފައި ދާ ކަމަށް ލިބުނު މައުލޫމާތަކާ ގުޅިގެން އެ މީހުން ހުއްޓުވައި ސުވާލުކުރުމަށް ފަހު އެވެ. އަދި އެއްލައިލި ދަބަސް ބަލައިފާސްކުރި އިރު 27 ދަޅު ބިޔަރު އޭގައި އޮތް ކަމަށް ފުލުހުން ބުންޏެވެ.
މި މައްސަލަ މިހާރު އަންނަނީ އިތުރަށް ތަހުގީގު ކުރަމުންނެވެ