ޖަޕާން އަތުން 1-0 އިން ބަލިވެ އޮލިމްޕިކް ގޭމްސްގެ ފިރިހެނުންގެ ފުޓްބޯޅަ އިވެންޓުގެ ގްރޫޕް ސްޓޭޖުން އިޒްރޭލު ކަޓައިފި އެވެ.
މި މޮޅާއެކު ޖަޕާނު މުބާރާތުގެ ކުއާޓާފައިނަލަށް ދަތުރުކުރީ ގްރޫޕް ސްޓޭޖުގައި ކުޅުނު ތިން މެޗުން ވެސް މޮޅުވެ ލިބުނު 9 ޕޮއިންޓާ އެކު ގްރޫޕް ޑީ ގެ އެއްވަނަ ޓީމުގެ ގޮތުގަ އެވެ. މި ގްރޫޕުން ދެވަނަ ހޯދީ ތިން މެޗުން ހަ ޕޮއިންޓު ހޯދި ޕެރަގުއޭ އެވެ. ގްރޫޕްގެ ތިންވަނަ މާލީ ހޯދިއިރު އިޒްރޭލު ދިޔައީ ގްރޫޕްގެ ފުލަށެވެ.
ރޭގެ މެޗުގައި ފެނިގެންދިޔަ ހަމައެކަނި ގޯލު ޖަޕާނަށް މެޗުގެ އެންމެ ފަހު ވަގުތުކޮޅުތެރޭ ކާމިޔާބުކޮށްދިނީ މައޯ ހޮސޮޔާ އެވެ.
ކުއާޓާފައިނަލްގައި ޖަޕާން ބައްދަލުކުރާނީ ސްޕެއިންއާ އެވެ. ކުއާޓާގައި ފްރާންސް އާއި އާޖެންޓީނާ ބައްދަލުކުރަން ޖެހޭއިރު، އެމެރިކާ ނިކުންނާނީ މޮރޮކޯއާ ދެކޮޅަށެވެ. އަދި ޕެރެގުއޭ ބައްދަލުކުރާނީ މިސްރާއި އެވެ.
ކުއާޓާގެ ހުރިހާ މެޗެއް ވެސް ކުޅޭނީ އަންނަ ހުކުރު ދުވަހު އެވެ.