ފުވައްމުލައްސިޓީގައި ބިއްލޫރި ޝީޓްތަކެއް އުފުލަން އުޅުމުގެ ތެރޭގައި 4 މީހަކަށް އަނިޔާވެ ފަރުވާދޭން ފަށައިފިއެވެ.
ފުލުހުން މިއަދު ބުނެފައިވަނީ މިއަދު ހެނދުނު ފުވައްމުލަކުގައި އޮތް ދޯންޏަކުން ބިއްލޫރި ޝީޓުތަކެއް ބާލަން އުޅުމުގެ ތެރޭގައި އެތަކެތި އުފުލަން އުޅުނު 2 ބިދޭސީންނަށް އަދި 2 ދިވެއްސަކަށް އަނިޔާވެފައިވާ ކަމަށެވެ.
މި 4 މީހުންނަށް ފަރުވާދިނުމަށް ހޮސްޕިޓަލަށް ގެންދެވިފައިވާ ކަމަށްވެސް ފުލުހުން މައުލޫމާތު ދީފައިވެއެވެ.
ސޯޝަލްމީޑިއާގައި ދައުރުވާ މަންޒަރުތަކުން ފެންނަގޮތުން ބިއްލޫރި ޝީޓުތައް ވަނީ ވަރަށް ބޮޑަށް ތަޅައިގެންގޮސް މީހުންގެ ގައިގެ އެތިކަންތަނަށް ހެރިފައެވެ.