އައްޑޫގެ ސިޓީގައި މަގުމައްޗަށް ދޫކޮށްލާފައި ހުރި ވެހިކަލްތައް ނަގަން އަންގައިފި ކައުންސިލުން އަންގައިފި އެވެ.
ކައުންސިލުން ނެރުނު އިއުލާނެއްގައި ބުނީ ހިތަދޫގައި ހިންގާ ސާވިސްގަރާޖްތަކުގެ ކުރިމަތިން މަގުމަތީގައި ޤަވާއިދާ ޚިލާފަށް ގިނަޢަދަދެއްގެ ވެހިކަލްތައް މަރާމާތު ކުރުމަށް ގެންގޮސް ބަހައްޓާފައިހުންނަކަން ފާހަގަކުރެވިފައިވާ ކަމަށެވެ. މިގޮތަށް މަގުމައްޗަށް ވެހިކަލްތައް ދޫކޮށްލާފައި ހުރުމަކީ މަގުބޭނުންކުރާ ފަރާތްތަކަށް ދަތި އުނދަގޫ ކަމަކަށްވުމުގެ އިތުރުން ނުރައްކާތެރި އެކްސިޑެންޓް ތަކަށް މަގުފަހިވަމުންދާ ކަމެއް ކަމަށް ކައުންސިލުން ބުނެ އެވެ.
އެގޮތުން މި ސަރަހައްދު ތަކުގައި ބަހައްޓާފައިވާ ވެހިކަލްތައް އެތަކެތީގެ ވެރިފަރާތްތަކުން މިއަދުން ފެށިގެން 5 ދުވަހުގެ ތެރޭ ނެގުމަށް ކައުންސިލުން ވަނީ އަންގާފަ އެވެ.
މި މުއްދަތުގެތެރޭގައި މިތަކެތި ނުނަގައިފިނަމަ "އާންމު ތަންތަނަށާއި މަގުމައްޗާއި ފަޅުތެރެއަށް ދޫކޮށްފައިވާ ތަކެތި ނެގުމާއިބެހޭ ޤަވާޢިދު" ގައިވާގޮތުގެމަތިން އެތަކެއްޗަކީ ދޫކޮށްލާފައިވާ ތަކެތި ކަމުގައި ކަނޑައަޅައި ފުލުހުންގެ އެހީތެރިކަމާއިއެކު އެސަރަޙައްދުން އެތަކެތިނަގާ ޓޯކުރާނެ ކަމަށް ކައުންސިލުން ވަނީ ބުނެފަ އެވެ.