ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން މާލެ ސަރަހައްދުގައި އިލެކްޓްރޯނިކް ކުނި ހިލޭ އުކާލުމުގެ ފުރުސަތު މިއަދު ހުޅުވާލައިފި އެވެ.
މި ފުރުސަތު ހުޅުވާލީ ދުނިޔޭގެ އީ-ވޭސްޓް ނުވަތަ އިލެކްޓްރޯނިކް ކުނީގެ ދުވަސް ފާހަގަކުރުމުގެ ގޮތުންނެވެ.
ވެމްކޯއިން ބުނީ މިއަދު ހެނދުނު 9:00 އިން ރޭގަނޑު 10:00 އަށް މާލެ، ހުޅުމާލެ، އަދި ވިލިމާލޭގައި ހުރި ވެމްކޯގެ ޓްރާންސްފާ ސްޓޭޝަންތަކުން ހިލޭ މި ހިދުމަތް ލިބެން ހުންނާނެ ކަމަށެވެ.
އީ-ވޭސްޓް ދުވަސް ފާހަގަކުރަނީ ކޮންމެ އަހަރެއްގެ ވެސް އޮކްޓޫބަރު 14 ގަ އެވެ.