ގާޑިޔާ ވިޔަފާރި އަށް އައްޑޫ މަރަދޫން ނުވަ ބިމެއް ކުއްޔަށް ދޫކުރަން ނިންމައި، އެ ބިންތަކަށް ކުރިމަތިލާން އައްޑޫ ސިޓީ ކައުންސިލުން ހުޅުވާލައިފި އެވެ.
ކައުންސިލުން ބުނީ ބަނދަރު ސަރަހައްދުން ބިން ދޫކުރަނީ އެއް އަހަރު ދުވަހަށް ކަމަށެވެ.
ގާޑިޔާ ވިޔަފާރި އަށް ބިން ދޫކުރުމަށް ހަމަޖެހިފައި ވަނީ އެންމެ ރަނގަޅު ހުށަހެޅުމެއް ހުށަހަޅާ ފަރާތްތަކަށެވެ. އެގޮތުން ޕޮއިންޓް ދިނުމުގައި ވަކި ކަންތައްތަކަކަށް ބަލާނެ އެވެ.
ބިންތަކަށް ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައި ވަނީ އަންނަ މަހުގެ 5 އާ ހަމައަށެވެ.