ކާމިޔާބު ފިލްމުތަކެއް ގެނެސްދީފައިވާ ބޮލީވުޑްގެ ޑައިރެކްޓަރު އިންދަރު ކުމާރުގެ ފިރިހެން ދަރިފުޅު އަމަން އިންދަރު ކުމާރު ބޮލީވުޑަށް ތައާރަފުކުރާ ފިލްމުގެ ޝޫޓިން މިއަދު ފަށަައިފި އެވެ.
މި މަހުގެ 11 ވަނަ ދުވަހު ރަސްމީކޮށް ލޯންޗްކުރި "ތޭރާ ޔާރު ހޫ މޭ" ކިޔާ ފިލްމުގެ ޑައިރެކްޓަރަކީ ޖޯން އަބްރަހަމްގެ "ސަތިއަމަވޭވްޖަަތޭ" ގެނެސްދިން މިލަޕް މިލަން ޒަވޭރީ އެވެ. "ތޭރާ ޔާރު ހޫ މޭ" ގެ ބަތަލާ އަކީ އަކަންކްޝާ ޝަރުމާ އެވެ. އަދި ފިލްމުގެ މުހިއްމު ރޯލަކުން ތަޖުރިބާކާރު އެކްޓަރު ޕަރޭޝް ރާވަލް ވެސް ފެންނާނެ އެވެ.
ޕްލޭންކޮށްފައި އޮތް ގޮތުން "ތޭޔާ ޔާރު ހޫ މޭ" ގެ ޝޫޓިން އަންނަ އަހަރުގެ ޖެނުއަރީ މަހުގެ ތެރޭގައި ނިންމާނެ އެވެ. އެކަމަކު ބެލުންތެރިންނަށް ފިލްމު ގެނެސްދޭނެ ތާރީހެއް އަދި ހާމައެއް ނުކުރެ އެވެ.
ފިރިހެން ދަރިފުޅު ބޮލީވުޑް ދަތުރު ފެށި އިރު، އިންދަރުގެ އަންހެން ދަރިފުޅު ޝްވޭތާ ކުމާރު ވެސް ދެ ފިލްމެއް ކުޅެފައިވެ އެވެ. އެއީ 2008 ގެ "ކަރްޒް" އާއި ބައްޕަ އިންދަރު 2014 ގައި ގެނެސްދިން ފިލްމު "ސުޕަ ނާނީ" އެވެ.
އިންދަރު އަކީ "ދިލް" އާއި "ބޭޓާ" އާއި "ރާޖާ" އާއި "މަން" އަދި "މަސްތީ" ފަދަ މަގުބޫލު ފިލްމުތަައް ގެނެސްދިން ޑައިރެކްޓަރެވެ. އޭނަގެ އެންމެ ފަހުގެ ފިލްމަކީ 2022 ގެ "ޓޯޓަލް ދަމާލް" އެވެ.