އިންޑިއާގެ މަޝްހޫރު ސެލެބްރިޓީ، މަލައިކާ އަރޯރާ އާއި ދަރިފުޅު އަރްހާން ޚާން ހިއްސާވެގެން މުމްބާއީގައި ރެސްޓޯރަންޓެއް ހުޅުވަން ތައްޔާރުވެއްޖެ އެވެ.
ވަރަށް ހިތްގައިމުކޮށް އިންޓީރިއާ ހަދާފައިވާ މި ރެސްޓޯރަންޓްގެ ނަމަކީ "ސްކާލެޓް ހައުސް" އެވެ. މީޑިއާތަކުން ބުނީ މި ރެސްޓޯރަންޓަކީ މީގެ 90 އަހަރު ކުރިން އިމާރާތްކޮށްފައިވާ ޕޯޗްގީޒް އިމާރާތެއް ގަނެ، އެތަނުގެ އާބާތުރަ ފިލުވައި، ޒަމާނީ ފާޑުވެރިކަމާ އެކު ހަދާފައިވާ ތަނެއް ކަމަށެވެ.
"ސްކާލެޓް ހައުސް" ހައުސް ހުންނާނީ ބޮލީވުޑްގެ ވަރަށް ގިނަ ފިލްމީ ތަރިން ވެސް ދިރިއުޅެމުން އަންނަ ބަންޑްރާގެ ޕާލީ ވިކެޖްގަ އެވެ.
ރެސްޓޯރަންޓް ހުޅުވުމުގެ އެންމެ ފަހުގެ ތައްޔާރީތައް މިހާރު ވަމުން އަންނަ އިރު، މީޑިއާތަކުން ބުނީ އެތަން އާންމުކޮށް ހުޅުވައިލާނީ އަންނަ މަހުގެ 3 ގައި ކަމަށެވެ. "ސްލާކެޓް ހައުސް" އަކީ 21 އަހަރުގެ ދަަރިފުޅާ ހިއްސާވެގެން މަލައިކާ ފަށާ އަމިއްލަ ފުރަތަމަ ވިޔަފާރި އެވެ.
އޭނަގެ ދަރިފުޅުގެ ބައްޕަ އަކީ މަޝްހޫރު ފިލްމީ ތަރި، ސަލްމާން ޚާންގެ ކޮއްކޮ އަރްބާޒް ޚާނެވެ. މަލައިކާ އާއި އަރްބާޒްގެ ކައިވެނި 2017 ގައި ރޫޅައި، 2018 އިން ފެށިގެން މަލައިކާ ރައްޓެހިވެގެން އުޅުނީ ޒުވާން އެކްޓަރު އަރުޖުން ކަޕޫރާ އެވެ.
ނަމަވެސް މި އަހަރުގެ ތެރޭގައި އެ މީހުން ވަނީ ރުޅިވެފަ އެވެ.