މާލޭގެ އުސް އިމާރާތަކުން ދުން އަރާތީ އެމްއެންޑީއެފުން ހަރަކާތްތެރިވާން ފަށައިފި އެވެ.
އެމްއެންޑީއެފުން ބުނީ ހ. ނީސްގޭގެ ނުވަވަނަ ބުރިން ދުން އަރާތީ ފަޔާ އެންޑް ރެސްކިއުއިން ހަރަކާތްތެރިވަމުން އަންނަ ކަމަށެވެ. މިއީ "ސްކައިފޯލް ރެސްޓޯރަންޓް" ވެސް ހުންނަ އިމާރާތެވެ.
ނަމަވެސް އިތުރު ތަފްސީލެއް ހާމައެއް ނުކުރެ އެވެ.
މިދިޔަ ހަފުތާގެ ބުރާސްފަތި ދުވަހު މާލޭގައި ހިނގި އަލިފާނުގެ ބޮޑު ހާދިސާއެއްގައި ތިން މިނިސްޓްރީއެއް ހިންގަމުން އައި އިމާރާތްތަކެއް ވަނީ އަނދައި އަޅިއަށްފަ އެވެ.
މާލޭގައި ދޭތެރެ ދޭތެރެ އިން އަލިފާނުގެ ބޮޑެތި ހާދިސާތައް ހިނގުމަކީ އާންމު ކަމެކެވެ.