ރައްޔިތުންގެ މަޖިލީހުގެ މެންބަރުން ޕާޓީ ބަދަލު ކުރުމުން ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހާ ދެކޮޅަށް ސުޕްރީމް ކޯޓަށް ހުށަހެޅި ދުސްތޫރީ މައްސަލައަށް ޑިމޮކްރެޓްސް ތަދައްޚުލްވެއްޖެ އެވެ.
އެ މައްސަލަ މިދިޔަ މަހުގެ ތެރޭގައި ކޯޓަށް ހުށަހެޅުއްވީ ކެންދޫ ދާއިރާގެ ކުރީގެ މަޖިލިސް މެންބަރު އަދި ގާނޫނީ ވަކީލު އަލީ ހުސައިނެވެ.
ޤާނޫނުއަސާސީއަށް 6 ވަނަ އިސްލާޙު ގެނެސްފައިވަނީ ޤާނޫނުއަސާސީއާއި އަދި ޤާނޫނުއަސާސީގެ އަސާސީ އޮނިގަނޑާވެސް ޚިލާފަށް ކަމަށްވާތީ އަލުސްތާޒު ޢަލީ ޙުސައިން ސުޕްރީމް ކޯޓަށް ހުށަހަޅުއްވާފައިވާ މައްސަލަ އަށް ދަ ޑިމޮކްރެޓްސް ވަނީ އިއްޔެ ތަދައްޚުލްވެފައެވެ.@AleeVoice@TheDemocratsMV https://t.co/UGuyW5GW8O
— Hassan Latheef🎈 (@HassanLatheef) December 20, 2024
އޭނަ ހުށަހެޅުއްވު މައްސަލާގައި ބުނެފައި ވަނީ އެ ގޮނޑި ގެއްލޭ ގޮތަށް ފާސްކޮށް، ރައީސް އެ ތަސްދީގު ކުރެއްވި އިރު އެ އިސްލާހަކީ ގާނޫނުއަސާސީ އަށް 6 ވަނަ އިސްލާހު ގެނެސްފައިވަނީ ގާނޫނުއަސާސީގެ 4، 8، 26، 75 އަދި 90 ވަނަ މާއްދާއާ ހިލާފަށް އަދި ގާނޫނުއަސާސީގެ އަސާސީ އޮނިގަނޑާ ވެސް ހިލާފަށް ކަމަށެވެ.
އެހެންވެ އަލީ ސުޕްރީމް ކޯޓަށް ހުށަހެޅުއްވީ އަދި އެ އިސްލާހު ބާތިލުކުރުމަށް އެދިވަޑައިގެންނެވެ.