ބެހިގެން ފުވައްމުލަކަށް ދިޔަ ސޯމާލިއާގެ ބަޔަކު އެމްއެންޑީއެފްގެ ބެލުމުގެ ދަށަށް ގެންގޮސްފި އެވެ.
ބެހިގެން އައި އުޅަނދާއި އޭގައި ތިބި މީހުން މިހާރު އެމްއެންޑީއެފްގެ ބެލުމުގެ ދަށުގަ އެވެ. އެނގިފައިވާ ގޮތުގައި ބެހިގެން ފުވައްމުލަކަށް ދިޔަ ސޯމާލިއާގެ އުޅަނދަކީ މަސްވެރިކަމުގައި އުޅުނު އެެއްޗެކެވެ. އަދި އޭގައި ތިބީ ތިން މީހެކެވެ.
މިކަމާ ގުޅިގެން އެމްއެންޑީއެފުން ބުނީ އެ މީހުން ފެނުނީ ފުވައްމުލަކު ހުޅަނގު އުތުރުން 10 ވަރަކަށް މޭލު ބޭރުން ކަމަށެވެ.
ފުވައްމުލަކު ސިޓީ ހުޅަނގު އުތުރުން 10 ވަރަކަށް މޭލު ބޭރުން ޝައްކު ކުރެވޭ ޑިންގީއެއް، އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑު ފޯތު ސްކޮޑްރަންގެ ހާބަރ ޕެޓްރޯލުން އެ ސަރަހައްދަށް ގޮސް ވަނީ ކޯސްޓްގާޑުގެ ބެލުމުގެ ދަށަށް ގެނެސްފަ.
— Maldives National Defence Force (@MNDF_Official) December 23, 2024
މީގެ ކުރިން ވެސް ސޯމާލިއާ އަށް ނިސްބަތްވާ މީހުން ޑިންގީތަކާ އެކު ރާއްޖެ ސަރަހައްދުން ފެނިފައިވެ އެވެ. ސޯމާލިއާ އަކީ ކަނޑުފޭރޭ މީހުންގެ މައްސަލަ ބޮޑު ގައުމެކެވެ