މަގުބޫލު ފިލްމުތަކެއް ގެނެސްދީފައިވާ އިންޑިއާގެ ތަޖުރިބާކާރު ޑައިރެކްޓަރު ޝިއާމް ބެނެގާލް މަރުވެއްޖެ އެވެ.
އުމުރުން 90 އަހަރުގައި އޭނަ މަރުވީ އިއްޔެ އިރާކޮޅު އެވެ. މީޑިއާތަކުން ބުނީ ބެނެގާލް މަރުވީ ކިޑްނީގެ މައްސަލައަކާ ގުޅިގެން މުމްބާއީގެ ވޮކްހާޑްޓް ހޮސްޕިޓަލްގައި އެޑްމިޓްކޮށް ފަރުވާ ދެމުން ދަނިކޮށް ކަމަށެވެ.
އޭނަގެ މަރާ ގުޅިގެން ފިލްމީ ދާއިރާގެ ވަރަށް ގިނަ ބަޔަކު ހިތާމަފާޅުކޮށްފައިވެ އެވެ.
Deeply saddened by the passing of Shri Shyam Benegal Ji, whose storytelling had a profound impact on Indian cinema. His works will continue to be admired by people from different walks of life. Condolences to his family and admirers. Om Shanti.
— Narendra Modi (@narendramodi) December 23, 2024
ބެނެލާގްގެ މަރާ ގުޅިގެން އިންޑިއާގެ ބޮޑުވަޒީރު ނަރެންދުރަ މޯދީ އާއި ރައީސް ދުރޯޕަޅީ މުރްމުރް ވެސް ހިތާމަފާޅު ކުރައްވާފައިވެ އެވެ.
ދިގު ފިލްމީ ކެރިއަރުގައި 18 ނެޝަނަލް އެވޯޑް ވެސް ހާސިލުކޮށްފައިވާ ބެނެގާލް އެންމެ ފަހުން ގެނެސްދިން ފިލްމަކީ ބަންގްލަދޭޝްގެ ބާނީ ކަމަށްވާ ޝައިހް މުޖީބު ރަހުމާންގެ ވާހަކަ ކިޔައިދިން މިދިޔަ އަހަރުގެ ބައޮގްރަފިކަލް ޑްރާމާ "މުޖީބު: ދަ މޭކިން އޮފް އަ ނޭޝަން" އެވެ.
The passing of Shri Shyam Benegal marks the end of a glorious chapter of Indian cinema and television. He started a new kind of cinema and crafted several classics. A veritable institution, he groomed many actors and artists. His extraordinary contribution was recognised in the…
— President of India (@rashtrapatibhvn) December 23, 2024
ބެނެގާލް ގެނެސްދިން އެންމެ ފާހަގަކޮށްލެވޭ ފިލްމުތަކަކީ އަންކޫރް (1974)، މަންތަން (1976)، ޖުނޫން (1979)، މަންޑީ (1983)، މަންމޯ (1994)، ދަ މޭކިން އޮފް މަހާތުމާ ގާންދީ (1996) އަދި ޒުބޭދާ (2001) އެވެ.
ބެނެގާލް އަކީ އިންޑިއާގެ ސަރުކާރުން ދޭ މަތީ ޝަރަފު ކަމަށްވާ ޕަދުމާ ޝްރީ އާއި ޕަދުމާ ބުޝަންގެ އިތުރުން ދާދާސާހެބް ޕާލްކޭ އެވޯޑް ވެސް ލިބިފައިވާ ޑައިރެކްޓަރެކެވެ.