މިދިޔަ އަހަރުގެ ތެރޭގައި އިމިގްރޭޝަނުން ބަލައި ފާސްކުރި ތަންތަނުގައި ބިދޭސީން މިހާރު އުޅެމުން އަންނަނީ ގަވާއިދާ އެއްގޮތަށްތޯ ބެލުމަށް ހާއްސަ އޮޕަރޭޝަނެއް ފަށައިފި އެވެ.
އެ އިދާރާ އިން ބުނީ ޓާސްކުފޯހުން މިދިއަ އަހަރު ބަލައި ފާސްކުރި ތަންތަނުގައި މިހާރު ބިދޭސީން އުޅެމުން އަންނަނީ ސައްޙަ ވިސާއަކާއެކު ގަވާއިދާ އެއްގޮތަށްތޯ ބެލުމަށް ޚާއްޞަ އޮޕަރޭޝަނެއް ފަށާފައިވާ ކަމަށެވެ.
އެގޮތުން ބުދަ ދުވަހު ބަލައި ފާސްކުރި ދެ ތަނެއްގައި ވެސް މިހާރު ގަވާއިދާ ޚިލާފަށް އުޅެމުން އަންނަ ބިދޭސީއެއް ނެތްކަން ފާހަގަކުރެވިފައިވާ ކަމަށް އިމިގްރޭޝަނުން ބުންޏެވެ.
ޓާސްކުފޯހުން މިދިއަ އަހަރު ބަލައި ފާސްކުރި ތަންތަނުގައި މިހާރު ބިދޭސީން އުޅެމުންދަނީ ސައްހަ ވިސާއަކާއެކު ގަވާއިދާ އެއްގޮތަށްތޯ ބެލުމަށް ވަނީ ހާއްސަ އޮޕަރޭޝަނެއް ފަށާފައި. އެގޮތުން އިއްޔެ ބަލައި ފާސްކުރެވުނު ދެ ތަނުގައި ވެސް މިހާރު ގަވާއިދާ ހިލާފަށް އުޅެމުންދާ ބިދޭސީއެއް ނެތްކަން… pic.twitter.com/YhmNYtTIqm
— Maldives Immigration (@ImmigrationMV) January 23, 2025
ގަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން އަންނަނީ މިދިޔަ އަހަރުން މާލެ ސަރަހައްދުގައި ބޮޑު އޮޕަރޭޝަނެއް ހިންގަމުންނެވެ.
އެގޮތުން ސައްހަ ވިސާ ނެތް މީހުންނާއި ގަވާއިދާ ހިލާފަށް ވިޔަފާރި ހިންގާ މީހުންނާއި ހަށި ވިއްކުމާއި އަދި އެ ނޫން ވެސް މައްސަލަތަކުގައި ގިނަ އަދަދެއްގެ ބިދޭސީން މިިހާތަނަށް އަތުލައިގެންފައިވެ އެވެެ. އަދި މިހާތަނަށް 5،000 އަށް ވުރެ ގިނަ މީހުން ޑީޕޯޓްކޮށްފައިވެ އެވެ.