މިހާރު ކުރަމުން އަންނަ ވިއްސާރައިގައި ކ. މާފުއްޓަށް ވެސް ބޯކޮށް ވާރޭ ވެހި މިއަދު ފެންބޮޑުވެއްޖެ އެވެ.
އެ ރަށުގެ ބައެއް މަގުތަކުގައި ވަރަށް ބޮޑަށް ފެންބޮޑުވުމާ ގުޅިގެން ފެން ހިންދުމުގެ މަސައްކަތް އެމްއެންޑީއެފުން އަންނަނީ ކުރަމުންނެވެ.
ރާއްޖެއަށް ކުރަމުންދާ ވިއްސާރައިގައި ކ.މާފުށީގައި ފެން ބޮޑުވެގެން، ފެން ހިންދުމުގައި އެމްއެންޑީއެފް މާލޭ އޭރިއާ ކޮމާންޑް، މާފުށީ ފަޔަރ ސްޓޭޝަނުގެ ސިފައިން ދަނީ ހަރަކާތްތެރިވަމުން. pic.twitter.com/TgQG6jhvdc
— Maldives National Defence Force (@MNDF_Official) January 25, 2025
މާލޭގެ ބައެއް ސަރަހައްދުތަކުގައި ވެސް ފެންބޮޑުވެ ފެން ހިންދުމުގެ މަސައްކަތް ސިފައިން އަންނަނީ ކުރަމުންނެވެ.
މާލެ ހިމެނޭ ސަރަހައްދަށް މޫސުން ގޯސްވެފައިވާއިރު، މެޓް އޮފީހުން ވަނީ ނ. އަތޮޅުން ފެށިގެން ފ. އަތޮޅާ ހަމައަށް މިރޭ 9:00 އާ ހަމައަށް ވައިޓް އެލާޓް ވެސް ނެރެފަ އެވެ.
އެ ވަގުތުތަކުގައި ބޯކޮށް ވާރޭވެހި ގުގުރައި ގަޑިއަކު 40 މޭލަށް ވައިގަދަވާނެ ކަމަށް ވެސް ލަފާކޮށްފައވެ އއެވެ.