ޓެކްނިކަލް މައްސަލައެއް ދިމާވެ މުޅި މާލެއިން މިއަދު ކަރަންޓް ކެނޑިއްޖެ އެވެ.
ސްޓެލްކޯ އިން ބުނީ މިކަމާ ގުޅިގެން މައްސަލަ ދެނެގަނެ، ހައްލު ކުރުމުގެ މަސައްކަތް ކުރަމުން އަންނަ ކަމަށެވެ.
"ދިމާވާނެ ދަތިތަކަށް މާފަށް އެދެން." އެ ކުންފުނިން ބުންޏެވެ.
މުޅި މާލެ އިން މިއަދު ކަރަންޓް ކެނޑުނީ ސްޓެލްކޯހެ ކަރަންޓުގެ ވިއުގަ އަޕްގްރޭޑް ކުރުމުގެ ގޮތުން އުނިގަސް މަގު އަފި މިރިޔާސް މަގު ހިމެނޭ ސަރަޙައްދުން މިއަދު މެންދުރު ފަހު 2:00 އާއި 6:00 ދެމެދު ކަރަންޓް ކެނޑިދާނެ ކަމަށް ބުނެ ނޯޓިސް ވެސް ދީފައި ވަނިކޮށެވެ.